Dairi Pengerindu Sipnosis

Dairi Pengerindu datai maya orang benung nanggam pengerindu bedanji segulai sejalai seidup semati tang nyema ngelanggar danji tau ka enda ngamat ke danji kati bup tok datai nagih danji? Kati bup tok ulih nipu orang benung nanggam pengerindu awak ke sida nulis nama sida ngau nama pangan sida dalam bup tok?
Sapa ngempu bup tok?
Sapa ke ngangga bup tok?
Kati pengerindu tau ngambi nyawa anak mensia, orang ke benung nanggam pengerindu bedanji nanggam semaya begulai sejalai sampai ke mati…
Nyema bedanji anang enda bepegai taguh ngau danji ke diri laban Dairi Pengerindu semampai berati ke orang mungkar danji ngelanggar danji…….

chapter 10 The Happiness

CHAPTER TEN (THE HAPPINESS)
Berita tentang bup bechurak biru nyau megau ke mayuh menua nyau ka tetakut orang ngaga danji takut danji datai nagih baru taja mayuh utai kena ngelaban bup tok ngambi nyawa anak mensia enda meh ulih kati ka muai bup tok? Kati cara ka ngancur ke bup tok? Taja ia semina bup tang ya ulih ngasuh anak mensia nulis danji ba dalam bup nya makin ari makin mayuh anak mensia midang lesi laban orang ke megai bup tok jauh amai bebeda ari orang ke megai bup tok dulu suba nyema sida ya udah ngaga danji sigi selalu orang meda ayas utai betubuh mensia tang pala ya baka uduk ukai siko dua tang mayuh udah dengah ya semina ke nasit manah aja ulih ngelari ke diri ari bup tok semina orang ke ngamat ke danji aja ulih selamat ari bup dikangau bup DAIRI PENGERINDU…..
Pemuas bejalai ngiga mangsa dia bup bechurak biru labuh ba mua pintu orang ngica ke bisi orang ngambi nulis danji dalam bup nya awak nyamai ngiga mangsa orang ke megai bup nya semampai bejalai ngiga darah ngiga nyawa. Dia Ikie baru mulai kediri ari kerja nuju ngagai rumah ya sampai ba mua pintu dia Ikie tepeda ka bup bechurak biru ba mua pintu ya begadai Ikie ngambi bup nya. Udah tama ke bilik alu engkah ya bup nya ba atas meja ruang tamu ya alu muka maca bup nya.
‘Nyelai amai bup tok baka ke diajih bup tok amai kini orang ke nulis nama dalam bup tok begulai sejalai selama ia? Enda entu arap aku ngau bup tok legi sebaka bakanya tadi ga ukai nya aku selalu bahagia dalam idup aku mayuh agi ke pemerinsa datai nuntung semina ngemeli ke aku aja bup tok’ pia runding Ikie alu nutup bup nya. Ba luar rumah Ikie bisi mata orang merati ke ulah ya ari luar merati ke pengawa ya laban bup nya semina umpan ngagai anak mensia awak ka nulis danji ngaga danji ba bup nya. Taja pia Ikie ukai baka laki bukai amat orang madah idup ya nyamai keja manah rumah bisi kerita bisi tang semua nya nadai bereti enti semina kediri aja diau dia kediri aja maya malam maya siang.
Amat kaban Ikie mayuh tang Ikie jarang amai pansut bebakih ngau orang bukai ukai ketegal ya enggai tang enti bala kaban mayuh bekumpul nyau mayuh cerita nyau deka bebeli ke ai bisa. Mayuh ga ulah orang bakanya enti nyau betugung memagang alu madah kediri aus nya meh mayuh ka agi ke ngirup tang nya meh salah mensia pama udah ngirup alu tebantai memagang ulah pangan diri utai nya meh ngasuh Ikie enda bejalai betemu ngau kaban. Amat lain amai ga ulah kitai mensia maya udah ngirup cukup kering asai ke ulih babut pun tapang asai ke ulih dangkat ke kerita tang maya gawa legi nyau beasuh-asuh legi madah ke diri enda nyamai isi legi madah pedis patung. Pama disebut ke ngirup sigi enda ibuh dikangau sigi datai taja orang nadai madah nadai nesau.
Tambah mega Ikie tok ukai orang pengirup ya semina ngirup maya bisi pengerami aja laban ka ati Ikie dalam din ngirup nya mayuh ke agi masau duit legi empai datai tengah bulan alu sebana enda cukup duit dikena belanja makai anang agi ke udah bisi anak legi nyau nadai belanja anak kena sekula kelebih agi nyau ngelimat maya meli lauk maya nya baru nyesal ke ulah diri lapa maya terima ujung bulan uji simpan duit bisi ga kena belanja sampai ujung bulan nya ujung bulan terima alu deka diabis ke kala nya ukai nya sari ngiga duit sebulan ngiga duit nyau bepeluh tusur ngiga ya.
Nya meh Ikie tok nyau enda entu ka begulai ngau orang bakanya biar meh orang ngumbai ya sumbong biar meh orang ngumbai ya isin-isin tang kelebih agi Ikie panjai runding ukai nya dua kali terima sebulan nya meh Ikie selalu ngelimat belanja ya udah semua utai abis dibayar baka kerita,rumah,bil api ngau ai baru Ikie magi duit kena minyak kerita ngau belanja ya sebulan nya. Nyameh Ikie nadai kala suntuk belanja amat idup bujang tang enti selalu nyimpan duit mimit-mimit nyadi mayuh meh ya. Ba opis Ikie selalu orang nanya ya kati ka ngalau belanja laban ari pun bulan nyentuk ke ujung bulan Ikie nadai kala sebana ketegal enda cukup belanja ka madah gaji ya besai tang semina nguna standard diploma aja ukai nya besai RM1200 sebulan tang enti tambah ngau claim ngau elaun ya travelling bisi ga kena tudah Ikie ngidup ke diri ba menua orang.
Tang semina sigi aja ngasuh Ikie tusut runding ketegal pengerindu taja Ikie selalu ngiga indu ngau bepangan nyau semina asa aja ga tudah ya. Kekadang tekena ke indu tak baka ke dompet tudah Ikie digaga indu nya enti nyema ka meli utai baru indu nya ngiga tudah Ikie legi maya udah terima nyau nadai dinga kangau indu nya manah enti bisi ngiga Ikie enti bepansa ba pasar baka ke enda ngelala tambah ga indu nya selalu aja tama pansut ari pub. Nya meh Ikie enda entu peduli ke indu nya. Agi Ikie ingat maya ya betemu ngau siko indu bulan nyin suba mula aja madah rindu madah sayau udah beberapa minggu alu nadai dinga rita semina mesej aja dikirum madah ke diri meri masa ngagai tudah Ikie semina ngasuh nganti belama nyau baka ke nganti bulan labuh ba tapak. Nya meh Ikie enggai agi nerima pengerindu dalam ati ya nyentuk ke saritu Ikie agi idup kediri.
Pengudah ngaga ai kupi ngau meri mayau ya makai dia meh Ikie alu muat gari sigi bakanya ga idup bujang semua digaga masu gari kediri nyumai kediri amat pama ga Ikie nemu amai nyumai enti betanding ngau indu kada enda alah sida ke indu laban Ikie. Ukai nama Ikie nemu nyumai nemu ngintu diri laban ari mit ya nyepi pemerinsa ari suba ya idup kediri nadai apai indai semina tudah Ikie aja nguan menua injau.
Datai ba ruang tamu dia Ikie duduk nungga tibi ba mua ya begadai Ikie engkah ai kupi ya atas meja cermin alu duduk semina merati ke tibi bebunyi. Taja nyawa tibi nya ingar tang runding Ikie nyau ke bukai semua munyi pansut ari tibi ya semina ngerimbas pending ya nadai sigi lekat tama dalam untak ya baka ke bejaku kediri tibi nya ba mua Ikie. Dia meh runding Ikie nyau beputar ngenang pengidup diri nadai apai indai udah mupuk ngejang ke batang mandai enda berasai ai mata nitik masah ke kuyu Ikie ngenang ke mua apai ngau indai ya sunyi amai pengidup Ikie nadai kala nyepi penyayau indai penyiru apai nadai indai endur madah ke pemedis pemerinsa ati diri nadai apai endur berandau betunga mua nadai bala madik enggau begagai enggau betundi. Balat amat ga penguji beri petara ngagai Ikie semina ya aja agi nguan menua tang ketegal sabar ngau pengering ati meh nyadi tenggau lalau ya ngidup kediri ari mit ya bekuli laban ka ngulih ke pemandai ngau kena ngubah pengidup Ikie. Ari cermin jendila Ikie meda ulah jiran seberai rumah ya meda siko indu ngau laki benung begagai ngau dua iku anambiak nyau enda berasai sinu amai ati ya ari mit ikie nadai kala diberap apai disium indai ba kuyu begagai enggau madi begadai Ikie angkat merati ke ulah jiran seberai rumah ya dedegi ba jendila rumah ya.

“ Untung amai orang bisi apai indai enggau madi semampai gaga belama enda baka aku semina kediri aja” pia runding Ikie mata ya nyau beraie baru meda ulah jiran ya.
Enda berasai kaki ya bisi asai tegu utai ke bebulu nyandih ba kaki Ikie dia meh Ikie lalu tekenyit meda ke baruh tepeda ka mayau ya benama cuwen. Cuwen bulih nama ya ari bulu ya semua bechurak oren nangka pengemuk cuwen laban enti laun makai enda berasai kaki Ikie keramak cuwen anang agi maya pagi cuwen meh ngerak Ikie dani ukai ngerak ngasuh tauka laun dani tang minta pemakai taja pia Ikie nadai kala nganu cuwen laban maya Ikie tussah ati cuwen meh selalu ba tisi ya nyau baka ken emu isi ati Ikie sepenglama cuwen begulai enggau Ikie. Nyema Ikie tussah ati tau ka benung beraie cuwen sigi datai ngagai Ikie duduk nyandih ba sepiak Ikie kekadang baka ke bisi orang enggau Ikie bejaku ba rumah besai nya tang semina cuwen ke enggau ya bejaku.
Cuwen suba ukai nya mayau beli tang mayau datai tesat ba rumah Ikie benung Ikie ngambi merap cuwen dia Ikie teringat ke mula ya betemu enggau cuwen. Maya nya Ikie baru aja pulai keja malam nya nyau baka nama pengelebat ujan nyau bah ai dalam lungkang nyau tepancur ba rumah ya dia Ikie tekenyit ninga nyawa mayau kiau-kiau ba dalam lungkang enggau lengkas Ikie nyenguk ke dalam lungkang. Dia meh Ikie tepeda ke anak mayau nyau ke lemas laban ai nyau balat bah besai nyau besai seput pansut ari idung anak mayau nya nyau lelak tudah anak mayau nyak nyemerai nyau ka lemas tudah anak mayau nya enda berasai Ikie engkecit ngambi anak mayau nya alu merap ya abis basah baju enggau tanchut Ikie mula ari nya meh mayau nya diau enggau Ikie nyau diberi Ikie nama cuwen ga tudah anak mayau nya. Taja mayau tang cuwen amat mereti maya cuwen kemi tau ka birak cuwen sigi pansut belama berak ba tanah luar rumah Ikie baka ke udah diajar ulah cuwen kekadang maya Ikie sakit cuwen meh nyaga ya bisi sekali Ikie sakit balat nyau enda ulih angkat dia meh cuwen ningkap ngerimbai Ikie merati ke Ikie baka ke mensia cuwen nyaga Ikie nya meh ko orang tuai enti kitai manah enggau jelu sayau ngau jelu tupi sida ya pun amah enggau kitai taja jelu sida mayau uduk bisi meh empedu enggau ati.
Pengudah Ikie merap cuwen dia meh Ikie duduk ba bangku baru cuwen diawak ka Ikie duduk ba sepiak ya nyau baka ke nganta cuwen nuci diri empu nyau abis tubuh nyau tekena lengan Ikie bekau dilat cuwen ke nuci diri
‘Apuu…sapa ke bangat didanta ke nuan nya cuwen. Bendar ni nuan nuci diri empai meh beresi uji mandi ney mayuh sabun kena nuan ba dalam bilik mandi din umo tau meh kena nuan’ pia ko Ikie nundi tudah cuwen. Dia cuwen ngetu enda lama malik ngagai Ikie baka kenemu jaku kitai mensia sepenglama pengudah cuwen diau enggau Ikie.
Enda berasai nyau ngalih malam ari dia meh Ikie bejalai nuju ke dapur meda asi ke dipanduk nyau udah ga mansau lauk udah ga dipanduk nyau begerau munyi perut Ikie.
‘Lapar perut tok am cuwen makai tua’ pia ko Ikie alu ngumbai cuwen. Dia cuwen alu belanda nitih ke Ikie ari belakang.

Pengudah tembu makai Ikie niki katas ngagai bilik ya besai amai ga rumah Ikie dua tingkat tang amat sunyi baka ke nadai orang nguan mina munyi redup kaki Ikie bejalai nuju ngagai bilik ya kekadang dinga munyi kiau cuwen aja ga dinga ba bilik tingkat dua nya datai ba tingkat atas bisi ga empat bilik tang semina sigi bilik aja bisi orang nguan taja kediri ba rumah nya Ikie nadai kala takut laban udah teleba kediri teleba sunyi.
Maya malam Ikie duduk ngaga keja ba ruang tamu nyiap ke keja ke bedau tembu digaga ya ba opis tadi udah nya begadai Ikie bejalai ngagai dapur muka peti ais ka ngirup jus pengudah nya ya ngambi butul jus tak lempung asai butul jus nya.
‘Akai udah abis jus tok pia? Balat ga nuan cuwen ngabis ke jus tok siko hahahaha…mabuk nuan ngirup memayuh jus tok’ pia ke Ikie nunjuk ke cuwen butul jus ke kosong nya ba mua cuwen tang cuwen semina merati ke ulah Ikie.
‘ Kasih cuwen pecuma kena anu hahaa..’ pia ko Ikie benung murus pala cuwen ke nungga ya.
‘Pansut dulu ku cuwen meli jus tussah ga enti nadai jus tambah mega pemakai nuan nyau ka abis. Jaga rumah auk?’ pia ko Ikie madah ke cuwen nyau baka ke madah ke mensia alu nutup pintu nuju ngagai kerita alu deriba nuju ngagai supermarket ke enda jauh ari rumah ya.
Datai ba dia, pengudah Ikie nyangkai ke kerita dia ikie alu tama ke dalam supermarket ngambi bakul begadai bejalai nuju ngagai endur nyual pemakai mayau amat pama ga cuwen ukai ka makai ikan semina whiskas ja ka didempa cuwen laban ari mit cuwen diberi Ikie makai whiskas pengudah ngambi pemakai cuwen sempat ga Ikie meli lauk kena ya sebulan tok alu bejalai nuju endur orang nyimpan jus.
Datai dia Ikie tepeda jus tak gelik-gelik sigi aja tinggal benung Ikie ka nyengkau butul jus nya enda berasai tekenyit Ikie tepeda sigi agi jari nyapai butul nya nyau betegu jari seduai ya dia Ikie nguing ke tisi ya tepeda ke siko indu kuyu nya lepu-lepu pemadas ya mata bulat buk panjai paras bahu ngena baju burak panjai lengan tang sigi salah bajik amai bajik tang mata indu nya baka ke ka makai tudah Ikie ke benung megai butul jus nya.
‘Aku dulu meda tadi laun nuan datai’ ko indu nya
Nyau kuring mata indu nya meda tudah Ikie tang Ikie enggai ga ngelepas ke jari ya agi semampai megai butul jus nya ga Ikie biar berebut seduai ya.
‘Laun agi nuan ari aku, aku ke dulu tadi meda ya’ ko ikie nyaut.
‘ Nuan semina meda aku udah nyenkau butul tok tadi ney..’ ko indu nya majak narit-narit butul jus nya
‘Uji nuan meda sapa jari dulu agi megai butul tuk jari nuan ba atas jari aku nya tanda ya aku meh dulu megai butul tok’ pia ko Ikie enggai alah
‘Nama utai diperebut ke seduai nya?’ pia ke munyi nyawa ari belakang seduai ya
Dia Ikie enggau indu nya nguing ke belakang tepeda ke siko ibuk benung dedegi merati ke seduai ya.
‘Indai..indai ai jus nya ka aku. Nyamai ai nya indai’ pia ko anak mit ba sepiak ibuk nya.
‘Kasih ke aku meh igat enggau endu kasih ke anak aku legi seduai meli ai ke bukai kasih anak aku ka amat ngirup ai nya’ pia ke sada ibuk nya.
Begadai indu nya ngelepas ke jari ya dia meh Ikie alu nyua ke ai jus nya ngagai ibuk nya nangka pengaga meh anak ibuk nya bulih ai jus nya tang Ikie enggau indu nya semina beputih mata bela enda bulih ai jus nya amat ga kedai nya laku amai ga ai jus nya semina sebutul aja agi tinggal udah meh Ikie enggau indu nya semina meda aja nyau asa tudah seduai ya ai udah ga empu urang bukai.
‘Akai jai amai nasit ka meli jus nemu nya empu orang bukai’ ko Ikie bejaku kediri nguing ngagai endur orang engkah jus nya nyau ngiga ai jus ke bukai ga tudah Ikie.
‘Ketegal nuan meh nya jus nya nyau ambi orang bukai uji ai ke bukai pilih nuan’ ko indu nya nganu tudah Ikie. Nyau bebengap tudah Ikie gaga indu nya munyi nya.
‘Apuu..jai amai ga aku ketegal ai aku ga salah akai tussah ati ngenang’ nyau gilik pala Ikie ninga jaku nya
Dia meh indu nya bejalai ngerimbas Ikie ke benung bebengap dedegi ninga jaku indu nya ari jauh dia Ikie meda indu nya ngemilut ke Ikie alu nunjuk ke genggam jari baka ke ka mukut ngagai tudah Ikie tang Ikie semina tuchum aja meda ulah indu nya ari jauh. Orang indu enti pedis ati semina ngemilut aja ulih gaga sida ya ukai baka orang laki nyema pedis ati alu atai jari amat manah ga gamal indu nya taja ngemilut tang majak pepelu kuyu ya taja ringat agi meh mua ya bajik taja mata kuring meda Ikie agi meh mata ya bulat nya meh Ikie semina meda ulah indu nya semina tuchum aja. Udah bebayar Ikie alu mupuk nuju ngagai kerita ya enda ga bangat jauh endur parking datai dia maya Ikie ka muka pintu dia Ikie tepeda ke indu nya baru sama endur penyangkai kerita tak sepiak kerita Ikie endur kerita indu nya dia meh Ikie meda indunya ngena tancut jeans megai dua plastic ba jari muka pintu kerita engkah barang dalam kerita.
Udahnya indu nya muka pintu ba endur deriba alu malik tepeda ke Ikie sepiak kerita ya.
‘Nama pepeda? Bisi utang? Acuk mata enti ka amat meda orang’ ko indu nya nyau bebengap baru ga tudah Ikie
“apuu..salah ga aku bediri sepiak kerita aku pia? Parai ka acuk orang ba mata” pia runding Ikie amat ga indu nya tudah Ikie benung dedegi ba kerita ya enda mukai-mukai kena anu nadai penyalah kena anu ga engka indu nya agi ringat ketegal jus nya meh indu nya nganu tudah Ikie ke benung dedegi ba kerita ya tadi tambah mega sama endur parking. Indu enti udah belaya enggau laki ketegal utai dikedeka ya sigi lama ya ringat tang enda ga sampai pegila lusa nyameh ko orang kering-kering kerak asi tanjah ngau ai lemi meh ya. Ikie semina ngilik ke pala semina tuchum ingat ke ulah indu nya.
“Sayau gamal bajik tang mangah” pia runding Ikie nyetat kerita mupuk nuju ngagai rumah ya.
Datai ba rumah dia Ikie ngagau ke cuwen nya meh cuwen alu belanda nuju ngagai Ikie baka ke enda betah ga cuwen taja tinggal enda lama nyau baka ke dierit cuwen perut ya ba pengemuk cuwen sekumbang makai whiskas belama beri Ikie amat gemu cuwen enti orang meda cuwen mayuh orang ngumbai cuwen nya mayau dibeli tang keamat ya cuwen nya semina mayau tesat ditupi Ikie.
Pagi nya dia meh pengudah meri cuwen makai Ikie mupuk nuju opis ya
‘Baru ku ingat bisi meeting ga pagi tok’ ko Ikie kediri.
*********************************************************************************
‘Vella dani agi laun nuan interbiu legi’ ko munyi nyawa siko indu ari baruh udah nya nyau reregup munyi kaki orang belanda ba dalam bilik
‘Apu..laun aku dani pia ah..jam pun enda bemunyi tadi pia’ ko Vella mucau kediri meda jam ke udah disain enda ga bebunyi nya segaut tudah ya beradu begari laban laun dani.
‘Mumy..nama enda ngerak aku tumu agi tadi laun udah tok enda sempat ngirup pagi tok aa’ ko Vella madah ngagai mumy ya ke benung nyedia ke pemakai kena ngirup pagi
‘Nama malam tadi nuan madah udah sain ga jam deh? Jus nuan nya irup..apu alu mupuk indu tok tadi pia’ ko mumy ari jauh meda anak indu ya Vella udah mupuk ngena kerita baka ke orang belumba Vella mecut kerita ya ngagai endur ya interbiu.
‘Lubah amai orang tok deriba aa..aku ka jampat tok udah ga enda sempat ka ngirup pagi tadi’ ko Vella nyau gidan meda kerita ba mua ya sigi bakanya kitai enti laun sigi abis orang kena anu anang ke orang deriba kerita orang ke ngena basikal kekadang kena anu ga ukai tudah nemu kitai ka berumban nya meh kitai enti bisi pengawa pegila lusa pengawa ke penting mseti besedia dulu kitai awak ke enda segaut. Serantau jalai Vella mucau nyau muncung mulut ya mucau abis orang kena anu ukai orang aja traffic light pun kena anu ga enda bulih setengah jam datai meh Vella ba opis endur ya minta pengawa dia Vella tepeda ke siti kerita celum parking ba endur bisi tulis bechurak kuning.
‘Kerita laki malam tadi tok ney…’ dia Vella gegadai bejalai semak ngagai kerita nya alu sipak ya tayar kerita nya enda mukai-mukai alarm kerita nya alu bebunyi nya tekenyit vella alu ngaga diri ngadu ke kasut enggai ke temu orang nendang kerita datai meh guard meda kerita ke bebunyi nya alu nelipun orang ke empu kerita nya dalam kandang 15 minit alarm nya baru badu bebunyi. Vella enda memunyi mina rerising gaga ati laban udah nendang kerita laki ke enggau ya berebut ke butul jus malam tadi pama amat ga Vella taja betemu enda lama agi ga Vella ingat kerita laki ke enggau ya belaya.
‘Laun ga nuan datai Vella’ pia ko siko indu nyapa Vella ari belakang
‘Jam aku jai aa..enda bebunyi pagi tadi nya laun’ saut Vella
‘Jampat nuan register dulu udah nya duduk ditu nganti orang ngagau ingat ke surat nua beri ngagai kaunter nyin’ ko indu nya nunjuk ke Vella.
Dia Vella alu jejampat bejalai nuju meja kaunter udah ngisi boring dia Vella nyerah ke fail bechurak biru ngagai indu ke nyaga kaunter nya dia Vella alu bejalai duduk sepiak kaban ya. Mayuh meh utai kerandau seduai ya nyau gegetar jari nganti orang ke ngagau tama ke dalam bilik interbiu lama amat ga asai jam beputar udah siko pansut siko agi tama enda berasai nyau bebunyi perut Vella laban enda ngirup pagi tadi puas Vella ngetat ke perut awak ka enda munyi agi ga bebunyi sigi bakanya perut enti ka bebunyi nadai peduli ke orang bisi tau ka nadai tak penitih ke peneka ya bebunyi enda ya nemu kitai ke malu inga munyi perut diri empu.
‘Vella..sila masuk’ ko munyi nyawa ngagau ke nama Vella
Begadai Vella angkat nyau celap asai kaki enggau jari amat sigi bakanya enti maya interview anang ke jari ati nyau dedegup nyau ulih dinga munyi ati maya nya alu nadai agi munyi perut semina munyi ati ke dedegup enggau jari gegetar ukai ketegal takut tang nervous ko orang ribai.
Pengudah tembu interview dia Vella mulai kediri ke rumah asai ke lantang asai ati tang lama amai ga nganti orang madah bulih ke enda nyau nganti dua minggu baru orang madah sapa bulih ke enda uji madah kala nya nyamai ga kitai ninga bulih ke enda tang sigi baka nya ga asai kitai ngiga keja ukai siko ke interview orang ni nemu kemari ke saritu ke pegila ka nya meh orang selalu madah nganti dua minggu laban maya nya orang ke ba sigi-sigi endur minta keja sigi ngiga orang ken emu gawa enggau orang keamat-amat ka gawa.
Dalam kandang sminggu lebih dia Vella gaga ati laban orang ngasuh ya nurun keja minggu baru Vella bulih ba endur opis ya interview nya dia Vella madah ngagai apai indai ya udah bulih keja ngangka meh pengaga apai indai Vella sapa apai indai enda gaga meda anak sida ya bulih pengawa ke menyana bulih keja ke badas ulih ngiga belanja kediri empu ulih ga nulong apai indai.
Maya ari satu tumu pagi Vella udah dani beradu enggai ke laun laban saritu ari mula ya gawa enggau gaga ati Vella nurun meda mumy Vella udah nyedia ke udai dempa pagi apai Vella udah lama dani nurun nangkal tambah ga ari manah endur nangkal tambah agi rega getah amat manah ga maya tok datai RM7 sekilo tang indai Vella enda nitih ke apai ya laban nadai orang ngaga ke Vella tai empa pagi. Pengudah ngirup pagi Vella merap indai ya sebedau mupuk nurun keja maya Vella nyurut ke kerita sempat ga Vella ngepai indai ya nyengjuk ba ruang tamu merati ke anak dara ya nurun keja.

Dalam kandang 30 minit datai meh Vella ba endur gawa dia ya meda opis nya nangka pemesai ukai endur sida ya interview sarinya laban maya sida interview ba hotel ukai ba opis benung Vella merati ke endur opis nya dia Vella tepeda ke kerita celum parking ba endur bisi tulis kuning ba baruh dia Vella asai ke ngelala kerita nya enggau begadai Vella bejalai semak nuju kerita celum nya.
‘Nama tok kerita laki nya baru deh? Sarinya bisi ga endur interview diatu ba ditu anang-anang laki tok sama enggau aku interview tang mayanya nadai ga aku meda ya enggau kami duduk ba luar maya interview’ pia ko Vella bejaku kediri
Maya Vella tama ke opis nya dia Vella bebengap meda orang dia benung kisuk ngaga keja semu benung ngaga keja diri empu nya degi-degi tudah Vella merati ke orang dia tang nadai ga orang peduli ke Vella semua benung ngaga keja diri empu. Enda lama udah nya datai siko indu ngena baju burak ngelawa ngagai Vella benung degi-degi ba mua pintu alu betabi enggau Vella mai ya bejalai ngulu ke Vella bekelala enggau orang keja dia pama enti bisi orang baru ba endur keja alu capuh orang ke lama dia enti laki lubah orang ka capuh tang enti indu sigi mayuh macam ulah mensia ni ke ngaga diri ka nguntik ni ke ngaga diri ka betabi .
Dia indu nya madah endur dia ukai endur Vella keja tang endur siti da agi nyau niki ngagai tingkat 3 Vella bai indu nya mayuh amai ga orang meda Vella nyau memalu tekuyung Vella peda orang tang ulih ga ditat ke Vella.
‘Ditu endur nuan keja Vella dalam opis tok bos kitai semua aaa…agi bujang tau sigat agi nya’ pia ko indu nya
Vella enda bebunyi semina tuchum merati ke ulah indu nya dia meh indu nya nanya ke bos udah datai ke bedau pama udah bos sigi laun datai ukai sama enggau jam kitai sida bos gawa nya meh selalu disema ke orang baka bos bos laban laun nurn keja.
‘Nyin bos datai legi aku mai nuan betemu enggau bos kitai. Enti nuan ka nemu bos kitai nya aja ke bangsa iban kelain nya bangsa bukai nya meh mayuh ba department tok iban laban bos kitai nulong kitai ngangkat ke bangsa diri empu tang bos tok lain mimit selalu ja tuchum enti ya nganu enda nuan nemu enti ya sinu enda nuan nemu semina tuchum aja ba mua ya tang ngasuh ku geram meda lesung pipi ya hehe..kiut amai bos kitai untung nuan ari-ari ulih betemu enggau bos jilis amai aku..’ko indu nya panjai amai ga jaku indu nya madah ke pekara bos baru Vella.
Dia Vella nitih ari belakang tekenyit Vella meda laki ke nyadi bos ya nya laki ke enggau ya belaya ba supermarket suba nyau malu Vella meda laki nya tang laki nya semina tuchum meda Vella bediri ba mua ya nemu meh Ikie Vella malu betemu enggau ya laban Vella kala nganu ya tang amat badas ati Ikie nadai nyimpan dendam nadai ringat dia Ikie berdiri bejalai begadai ngulur ke jari ka betabi enggau Vella.
‘Good morning Vella, nice to meet you and welcome to this office I’m Ikie’ pama ga Ikie alu jaku ribai enggau Vella
“Ngisin kediri bejaku ribai nyepi diri empu bos tengkuk enggau nuan tok legi aku nemu meh jaku ribai ukai nuan aja” pia runding Vella ngulur ke jari ka betabi
‘Good morning I’m Vella nice to meet you buus’ pia saut Vella baka ke enggai alah nyau muncung mulut nyebut ‘buus’.
‘Akai agi ringat ngagai aku nuan pia Vella udah meh nya ketegal sebutul jus tua belaya legi enda alah nyadi ke lagu ila hahaha..’pia tundi Ikie
“Nasit nuan bos enti enda udah tingko aku kening nuan Ikie” ko runding Vella semina tuchum aja.
‘Sarinya aku bisi ga meda nuan datai interview tang aku enda nemu nama nuan tambah legi enti ku merening nuan enda alah diacuk orang mata kitai hahaha.. nasit ga nuan bulih keja ditu oh ya maya nuan datai interview maya nya bisi nuan meda orang nyipak kerita aku?’ pia tanya Ikie
Tekenyit meh Vella ninga Ikie mada pia lama Vella enda nyaut
“Apuu..aku ke nyipak tayar kerita ya sarinya mati aku enti ditemu ya” pia ko runding Vella
‘Nadai aku meda engka aku enda tepeda kini’ ko saut Vella
‘OO…enti pia enda ngawa ga laban tayar kerita ku singit nasit ga bisi cctv ba dia legi bisi sekuriti madah legi’ ko saut Ikie alu duduk ba bangku ya
“Akai enda alah aja mula keja udah dibuai ketegal nyipak kerita bos nyamai aku ngaku aja ari dibuai keja” nyau tusut runding Vella ka ya madah takut anu bos nyamai ya madah ari ditemu orang malu agi nyema ditemu orang nyipak kerita bos
‘Aku meh nyipak tayar kerita nua sarinya…minta ampun auk?’ ko Vella
Ikie alu angkat mua tuchum nyadi jai merening ngagai Vella
‘Sheila..ulih nulong ngaga ke aku kupi?’ ko Ikie madah ngagai Sheila indu ke enggau Vella tama tadi nadai bejaku terus pansut baka ke robot Sheila semina nitih ke jaku Ikie aja ya enti bos udah meri perintah sigi tith ga enti ngelaban enda lama kitai dibuai keja
‘Aku ka nemu nama hal nuan nyipak kerita aku? Ukai kerita aku nganu nuan ukai kerita aku nyipak nuan nama ga nuan pedis ati ngagai kerita aku deh?’ pia tanya Ikie
Vella mina enda memunyi laban nemu salah diri semina nunduk ke mua ya meda lantai ba baruh baka ke nganti orang ke meri ukum tudah Vella dia Ikie begadai bejalai nuju ngagai Vella
‘Anang irau nuan Vella nadai aku nganu nuan semina aku ka nuan ngaku penyalah diri empu nyema nuan berani terus terang nya tanda nuan sanggup nerima hukuman ketegal penyalah nuan ila enti nuan pedis ati anang nyipak tayar kerita auk sayau kaki nuan nyau pedis uji nuan anang kelalu nitih ati auk enda manah’ pia ko Ikie.
Bebengap Vella ninga utai ke pansut ari mulut Ikie enda ya nyangka laki ke bediri ba mua ya nya ukai aja bos tang amat nelap taja Vella nyipak kerita ya enda meh Ikie ringat. Jarang orang indu tetemu ke laki bangat nelap baka Ikie taja Vella pedis ati ringat ngagai Ikie tang Ikie nadai kala nganu ya semina tuchum aja laban bagi Ikie nadai guna ringat nadai guna pedis ati laban ati mensia nemu berubah.
Sepenglama gawa baruh Ikie dia meh Vella nemu memimit tentang pengidup Ikie enda ya nyangka bos ya nya semina siko aja ba menua injau taja bos ya selalu tuchum enda Vella nyangka taja bos ya selalu ketawa gaga tang ati dalam din cukup merinsa baru Vella nemu sapa Ikie kea mat nya meh Vella nadai kala meda Ikie bejalai pansut enggau bala sama keja dia enti pulai keja selalu aja Ikie terus pulai tang selalu ga sduai betemu ba supermarket ke endur seduai belaya.
Nyema betemu pan Vella semina meda Ikie ari jauh meda ulah Ikie ari jauh ka ya semak tang malu laban Ikie nya bos ya tang nyema Ikie bejalai ngagai supermarket nya bisi ga Ikie meda Vella bejalai meli barang ke Ikie ngelawa Vella Ikie agi nangi nangi legi ati ya tebuka baru Ikie agi takut legi semina ngasa key a nya meh Ikie selalu baka ke enda ngelala aja enggau Vella nyema seduai berimbas enda meh Ikie nanya semina ngetat ke ati dalam din tussah enti kitai dah sekali asa selalu kitai ngenang pekara yang sama bakanya meh Ikie laban ya enggai ati ya pedis baru.
Pulai ke rumah baka selama pengudah ngaga ai kupi Ikie duduk ba bangku ruang tamu ya tang nyelai amai ulah cuwen sarinya tak baka ke selalu merati ke luar jendila ka madah bisi orang dia nadai ga dipeda kekadang cuwen baka ke ka nganu meda keluar rumah kekadang bulu cuwen terangkat maya bisi angin bepuput dalam bilik nyema Ikie mupuk keja cuwen sigi ba luar aja baka ke enggai tama rumah semina Ikie datai baru cuwen tama nya pun enti Ikie udah muka pintu enti malam cuwen baka ke enggai tinduk selalu aja baka ke ka ngelaya mayau bukai kekadang mata cuwen kulu kili baka ke meda utai.
Dia Ikie tepeda ke bup bechurak biru betulis Dairi Pengerindu ba kulit luar nya bisi bekau keramak cuwen tiap kali Ikie ngambi bup nya cuwen sigi engkechit nerkam bup nya ari jari Ikie kekadang awak ke Ikie aja cuwen duduk ninggang bup nya tang nyelai amai utai ke nyadi maya nya bekau keramak cuwen bisi bekau darah pansut bendar Ikie meresa cuwen engka cuwen bisi telih nadai ga dipeda nyau bendar Ikie berunding kati tau bisi bekau darah ba bup nya enda ga Ikie peduli ke bup nya majak ngaga pengawa ya empu cuwen enggai ga angkat ari bup nya.
Enda berasai lemai ngalih malam nyau enda berasai ga Ikie pemuas ngaga keja meda jam udah pukul 1 pagi nasit ga pegila nadai keja laban ari 6 enggau ari 7 sigi nadai keja ga sida ya dia Ikie bejalai nuju ke dapur ka ngaga ai kupi baru dia ya sempat ngagau ke cuwen nadai ga cuwen datai bendar Ikie ngiga cuwen nadai ga dipeda pemuas ya pansut Ikie ke luar nyau besai nyawa Ikie ngaga ke cuwen nadai ga cuwen datai.
‘kini ke penungga mayau tok tadi nemu amai ga belelang engka ba atas kini’ ko Ikie
Dia Ikie niki katas ngiga cuwen benung Ikie bejalai niki tangga dia Ikie tedinga ke munyi orang ngeramak pintu bilik panking ya tekenyit Ikie alu enggau pengelekas muka pintu tang nadai ga orang tau ka cuwen dipeda ya nyau enda nyamai asai ati Ikie abis rumah endur ya ngiga cuwen pemuas ya baru ya tetemu ke cuwen benung duduk ba atas mija endur ya ngaga pengawa dia ya tepeda ke mulut cuwen baka ke darah lekat ba ngeli taring cuwen.
‘Bulih cit nuan tadi pia cuwen? Aruh nadai tadi am tinduk tua ngantuk amai dah aku’ ko Ikie alu merap cuwen mai cuwen tinduk.
Demalam nya Ikie bemimpi betemu enggau siko laki amat tinggi laki nya besai tang nyelai amai pala yapala uduk ka Ikie lari enda ga ulih asai ke udah ditancang kaki jari ya bendar Ikie ngelingkang enda ga ulih lepas ka nyerauh enda ga ulih laki nya makin semak enggau Ikie alu nyekak rekung Ikie udahnya ayas-ayas Ikie meda laki siko datai ngeju ke laki bepala uduk nya dia laki bepala uduk ya alu ke ngelaban laki ke ngeju ya tadi Ikie semina meda aja seduai ya bejamah enggau pangan diri dia laki bepala uduk tadi nerekam ngetup kaki laki ke ngeju ya tadi amat sikar ga laki ya alu nyipak pala laki ke bepala uduk nya nyau telentang alu ngelari kediri tang laki ke bepala uduk nya sempat nyeling meda Ikie
Pengudah ulih ngelepas kediri dia Ikie alu tedani tepeda ke cuwen benung nilat kaki ya ke telih nya nyau segaut Ikie ngiga ubat ngubat kaki cuwen ke telih udahnya kaki cuwen dibalut Ikie enggai ke balat agi pedis nyau besai kiau cuwen ngetat ke pemedis sinu Ikie meda cuwen kekiau narit kaki ya
‘Lubah meh aku ngubat kaki nuan dulu balat agi nuan bedarah legi balat agi nuan pedis’ enggau ai mata nerutu ba kuyu Ikie ngubat kaki cuwen dia meh cuwen mina ngetat ke aja Ikie ngubat ya sayau amat Ikie enggau cuwen enda berasai ai mata labuh maya ya ngubat cuwen baka kenemu ga cuwen Ikie ngubat ya
Pagi nya agi ga kaki cuwen pedis dia meh Ikie ba tisi cuwen nyau sinu ga tudah Ikie meda cuwen nyau kejingka bejalai nya meh Ikie ngasuh ya duduk aja ba bangku semua pemakai enggau ai cuwen disedia ka Ikie nyema Ikie nurun keja dia meh cuwen bai ya ngagai opis nya enda memunyi bala orang sama keja meda ulah Ikie mai cuwen ngagai opis ya tang cuwen semina gali aja pemulai ari keja Ikie nganjung cuwen ngagai doctor haiwan pengudah dicek orang diberi org ubat dia orang nanya Ikie
‘Ikie..nama cuwen bisi belaya enggau uduk ?’ pia tanya indu misi ngagai Ikie. Bendar Ikie berunding kemaya cuwen bisi belaya enggau uduk semina temu Ikie cuwen sigi semampai ba rumah belama nyau tusut runding ninga indu misi madah cuwen kala belaya enggau uduk enti cuwen belaya enggau uduk sigi balat agi ari nya bekau telih cuwen tang nya semina kaki ya aja ketelih
‘Setau aku nadai cuwen belaya enggau uduk laban nadai orang nupi uduk ba endur ku diau tambah agi aku nadai nupi uduk’ ko Ikie. Pegudah ngambi ubat cuwen dia meh Ikie mulai kediri ke rumah.
‘Bos, legi bisi meeting pukul 9 legi enggau client’ ko Vella madah ngagai Ikie benung ngayam cuwen
‘Berapa kali aku madah anang ngagau ke aku bos akai….kangau aja aku Ikie..Vella kitu dulu nuan ku ka nuan bekelala enggau cuwen’ ko Ikie ngagau ke Vella
Dia Vella alu mansang meda Ikie benung merap cuwen. Aruh ya Ikie sayau ke cuwen amat manah amai bulu mayau nyak udah ga besai gemuk agi tambah keamat dipurus bapala dia Vella alu merap cuwen enda berasai Vella teberap ke Ikie sekali
‘Nama pengawa nuan?’ pia ko Ikie
Vella tekenyit laban teberap ke Ikie nemu amai ga cuwen belakun nyema Vella ngulur ke jari ya ka ngambi cuwen dia cuwen baka ke marap Ikie ngasak amat udah ga tubuh cuwen besai amai enti orang bukai meda baka ke beberap meh Ikie enggau Vella nyau makin damping Vella enggau tubuh Ikie majak ga ati ya tetengut dia Ikie meda Vella memalu ka ngmbi cuwen tubuh seduai udah ga semak amai begadai Ikie medagi pinggang Vella siti jari Vella udah ba bahu Ikie sepiak megai tubuh cuwen nyau tegama ke dada Ikie jari Vella enda berasai amat betemu mata nemu amai petara ngaga meri pengerindu ngagai anak mensia ari sebutul jus sduai betemu ari mayau benama cuwen seduai nyau beberap angka udah nasit seduai ya digaga petara begulai enggau pangan diri.
“ Vella, bisi kini-kini nuan lemai tok? Aram bejalai tua legi ka nuan? Tamba mega aku ka meli utai empa cuwen” ko Ikie nanya Vella
“Tau ga..legi nuan ngambi aku ga auk dalam kandang pukul 8 bakanya meh nganti aku dh tembu beradu” ko saut Vella
Enda berasai siang ngalih malam dia meh jarum jam nunjuk ke numbur 8 ari dalam bilik Vella merati ke luar tang enda lama udah nya dia Vella tepeda ka kerita celum sangkai bap agar rumah ya begadai siko laki pansut ari kerita alu nuju ngagai pintu rumah Vella.
TUK! TUK! TUK! Benung Ikie ka ngetuk pintu kali ke 4 dia mua pintu tekuak begadai cecegit siko indu tuai ba mua pintu tuchum alu ngasuh Ikie tama taja baru betemu tang asai ke lama udah ngelala tudah Vella nyau kekasak beradu pama amai ga indu dara enti beradu enti disebut ka bejalai ngau laki tau ka kaban tauka pangan sigi lama gab ala indu dara nganta nyau bepilih ke gari deka dikena semua mesti manah magang nadai mantah nyau ngalah ke bala sida artis enti udah ka amat nganta nya meh ati orang bujang semampai tekait belama meda bala indu dara.
“Sapa nama nuan igat? lama seduai udah bepangan igat? ari ni penatai nuan igat? ukai nama aku nanya igat aku tok apai Vella ka meh nemu sapa laki ke enggau ya begulai enggau ya enggai ke salah kaul pegila lusa” ko apai Vella
“ Ikie nama ku ibuk ayak aku semina bekaban enggau Vella laban kami duai sama endur keja tambah mega baru aja bekelala enggau pangan diri. Jauh menua aku ayak ibuk tambah mega aku semina kediri aja ba dunya injau ditu apai indai madi udah ga ngejang ngagai batang mandai semina aku aja ditinggal ke sida ya nyaga menua tok.” Saut Ikie
Enda berasai nyau sinu ati apai indai Vella ninga pemerinsa nuntung laki ba mua seduai ya taja laki nya sigi orang bepangkat besai tang jaku ya amat baruh laban ngasai ke diri semina siko aja ba menua injau bendar sida tiga becerita sepenglama nganti Vella ke beradu nyau abis utai tanya apai indai Vella sigi bakanya ga apai indai nyema laki datai ngemai anak indu sida ya pansut bejalai ukai nama labannya tanda sida apai indai sayau ke anak sida ya takut pegila lusa nyau nasal nyau munyi ke jaku orang tuai nasal ila nadai meh guna utai udah ga nyadi nyamai bejaga-jaga dulu.
“Pama daddy enggau mummy tok nyau baka pulis nanya orang kasih Ikie tanya kita bakanya udah ga Ikie baru aja kitu” ko Vella dedegi merati ke ulah apai enggau indai ya
Ikie mina tuchum aja meda ulah Vella bedau sempat Ikie bejaku dia Vella alu narit jari Ikie mai mupuk pengudah madah kediri deka mupuk Ikie alu nitih ke Vella ari belakang. Pengudah nyangkai ke kerita dia seduai mupuk bejalai ngelawak kedai taja malam tang nyau kenyau ja api ba kedai nyau baka ke siang pama disebut ke Parkson tau ka Bouleverd sigi empai tinduk bala mensia ni ke bejalai merindang ati enggau sulu enggau kaban bisi mega ke bebeli ke utai bisi ga mega duduk ba kedai ngirup angka negtu enda lama pengudah bejalai ngeliling pasar.
Dia seduai bejalai betundi enggau pangan diri nyau enda berasai memunyi perut tudah Ikie madah kediri lapar minta diisi
“Vella am makai dulu tua auk? legi tua bejalai baru lapar amai perut tok” ko Ikie madah ngagai Vella. Dia Vella semina tuchum meda ulah Ikie memurus perut
Benung seduai ngiga endur kedai makai dia Ikie tekenyit meda bala kaban ya benung capuh duduk ba kedai makai.
“Vella minta tulong nuan amat-amat aku..ulih nuan nyadi sulu aku enda lama auk? legi mayuh tanya bala kaban aku enti aku semina madah ke tua tok semina bekaban enti ku madah nuan pangan aku nadai sida ya mayuh tanya agi” ko Ikie. Vella enda nyaut nyau tekenyit ninga jaku Ikie tadi. Bedau sempat Vella ka nyaut seduai ya udah semak enggau meja endur bala kaban Ikie.
“Akai nuan tadi pia Ikie..apo sapa indu dara sepiak nuan nya? “ ko kaban Ikie nanya. Pama enti kaban nanya bakanya sigi tussah ka nyaut.
“Pangan aku tok Vella…”ko Ikie alu narit bangku ngasuh Vella duduk dia Ikie duduk sepiak Vella
Nyau panjai cerita malam nya nasit Vella bisi ba tisi nyau makin gaga ga ati tudah Ikie mayuh bala kaban ya semua muji Vella nyau memalu tekuyung tudah Vella
“Minta ampunku ngagai Vella angka Vella pedis ati kini tauka aku bisi salah jaku ke tadi kaban aku sigi bakanya selalu ka amat betundi” ko Ikie sepengudah seduai angkat bejalai baru.
“Enda ngawa capuh mai kaban nuan tambah mega sida ya nemu amai nusi cerita nyau pedis kuyu ketawa” ko Vella
“Nya baru mimit nya Vella enti nuan begulai enggau kami selalu kada enda luput nuan ketawa” ko Ikie nundi Vella
“Aram Vella pulai tua ku nganjung nuan dulu” pia ko Ikie madah ngagai Vella
“ Agi tumu tok aa..baru ja pukul 9 legi meh nuan nganjung ku pulai ku agi ka bejalai” saut Vella
“Enda manah nuan laun pulai kelebih agi nuan indu aku laki kati ke runding apai indai nuan legi tambah mega kati runding orang meda nuan laun pulai legi kasih apai indai nuan legi” ko Ikie.
Vella enda nyaut laban jaku Ikie nya bisi pengamat ya dia meh Vella nitih ke Ikie ari belakang alu mupuk mulai ke diri meh seduai ya. Datai ba rumah Vella Ikie alu nitih ke Vella ari belakang enda manah ga kitai laki enti nganjung indu semina ba pagar aja legi kumbai apai indai orang indu kitai semina deka ngulih ke anak sida ya taja takut nyau gegetar Ikie cub angering ke ati diri nganjung Vella benung seduai tama kebilik dia indai Vella tepeda ke Ikie enggau Vella
“Tama igat..Vella bai tama sulu nuan nya “ ko indai Vella
Vella enda nyaut semina madah ke Ikie ngalu tama lalu duduk ba bangku nunga apai enggau indai Vella taja dalam ati nyau kesal tang ulih meh ditat ukai ketegal ngaga penyalah tang enda nemu nama jaku apai indai orang indu nama utai ke ditanya apai enggau indai orang nya utai ke dirunding Ikie.
“Tumu seduai pulai igat? sepenglamatu enti Vella enggau kaban ya pansut pukul 11 nya selalu pulai” ko apai Vella
“Ukai nama ayak, enda manah Vella pulai laun tambah mega aku laki Vella indu legi lain ga peda urang taja urang enda madah ke kitai tang ukai kitai nemu ati urang ayak ibuk enda alah kitai dipejaku ke sida ya ba sebelah orang” ko saut Ikie
Apai enggau indai Vella semina tuchum ninga saut Ikie tadi dia baru meh aai enggau indai Vella nemu pemadas ati orang laki ba mua seduai ya.
“Amat ke nuan Igat pandak mulut engkerasak panjai mulut kitai” saut indai Vella
Pengudah nganjung Vella pengudah betabi enggau apai indai Vella dia meh Ikie alu mulai kediri kerumah nyau lain ga asai deriba kerita kediri nyau sunyi asai Ikie laban nadai urang sepiak ya enggau ya berandau enggau ya betundi.
Datai ba rumah Ikie alu duduk ba bangku dia meh cuwen begadai bejalai ngelawak Ikie nyau kejingka tudah cuwen.
“Cuwen kitu ku ngubat kaki nuan dulu nya kitai anang mancal” ko Ikie benung ngubat kaki cuwen.
Pengudah sebulan Ikie enggau Vella begulai taja pan seduai ya madah kediri ngagai urang semina kaban tang ulah seduai ya enti bejalai nyau baka urang ke bepangan laban deka Vella madah ke isi ati diri tang malu ga legi enda alah dikumbai urang indu nguntik laki tang Ikie nemu saggam ati Vella dia meh Ikie berunding kati ka mansut ke isi ati ya madah ke penyayau ya ngagai Vella pemuas berunding dia meh Ikie ngaga siti rancangan awak ke Vella nemu bakani penyayau enggau pengerindu Ikie ngagai Vella
Kena ka ari 6 dia Ikie mai Vella bejalai baka selama tang diatu lain agi nyau makin mentas enggau pangan diri.
“Vella aku bisi utai ke dipadah ngagai nuan malam tuk legi aku ngambi nuan auk?” ko Ikie tang Vella enda memunyi laban ya enda nemu saggam ati Ikie
Malam nya Ikie mai Vella makai ba restaurant tak bangat tebilang ba endur sida ya nyau baka ke YB endur nya orang malam nya mimit amai ga laban enti makai ba endur nya mesti dibooking dulu ukai nya baka kedai sebelahnya duduk aja ulih meh makai tang nya semua rancangan Ikie deka mansut ke juluk ati diri deka madah ke pengeran ati diri ngagai Vella pengudah tembu makai, Ikie angkat bejalai alu bediri ba mua Vella. Dia Vella tekenyit meda ulah Ikie nyelai amai malam nya semina merati ke ulah Ikie aja tudah Vella
“Vella uji nuan nutup mata nuan auk?” ko Ikie. Vella enda memunyi semina nitih ke peminta Ikie nyai celap asai pegu Vella tekena utai ke dipasuk ke Ikie ba rekung ya dia Vella encelak tepeda ke marik emas ba rekung ya
“Vella selama tu engka nuan enda nemu tau ka nuan udah nemu aku sayau amat ke nuan baka ke malam tok aku deka ngambi nuan nyadi ke pangan aku” ko Ikie nyerugang ba mua Vella.
Asai ke bisu tudah Vella meda ulah Ikie deka bejaku tang enda ulih tepansut ke jaku nyau dedegup munyi jantung dalam din asai ke celap angat tudah Vella enda Vella kala digaga laki bakanya selamatu asai ke bemimpi meda orang ke disayau dikerindu nyerugang nyua ke bungai ba mua ya pemuas berunding ngumpul pengering ati dia meh Vella alu nyaut
“Ikie..selamatu aku takut madah ke nuan aku pan sayau ke nuan mega lama amat aku nganti aku berunding bakani aku ka mansut ke saggam ati diri tang nuan dulu madah gaga amai ati aku..nama tua semina bepangan aja pia? Kumbai ku nuan ka ngambi ku nyadi bini tadi” ko Vella
“sempat ga Vella betundi nyadi bini nya enti aku betemu enggau apai indai Vella dulu auk laban aku deka berandau enggau sida ya” ko Ikie

MetroLyrics Membership

MetroLyrics Membership

chapter 9 (a fate)

CHAPTER NINE (A FATE)

Danji majak digaga anak mensia ke benung ngayam pengerindu. Danji dipendam ba dada ditulis ba bup. Bup ke dikangau Dairi Pengerindu bup ke mayuh meda nyawa midang lesi ketegal danji bup datai nagih danji bup ke datai ngamat ke danji ke udah digaga awak ka pangan diri idup segulai sejalai seidup semati nyentuk ke sebayan…nya meh di kumbai Dairi Pengerindu.

Igat siko laki ke benung gawa ba opis kunsil. Siko ari anak iban ke megai pangkat besai. Taja pia Igat semampai ingat penatai diri empu nya alai Igat minta pindah agai menua ya awak ka ia ulih nyukung nulong bala bangsa ya ba menua ulu. Taja menua ulu tang pemayuh orang diau dia ulih ngalah ke pemayuh mensia ba menua besai tambah mega mensia dia mayuh bangsa kitai iban bisi ga bangsa bukai diau ba menua ulu.

Taja besai pangkat Igat nadai kala tinggi jaku ngau orang bukai laban Igat nemu nyema kitai bepangkat besai ulah kitai sumbung nyau tinggi idung nadai meh orang ka manah begulai ngau kitai mayuh agi orang ngelari kediri ari kitai. Udah tiga taun Igat keja dia tang Igat nadai kala diau ba bandar laban Igat enggai ninggal ke indai apai ya kediri ba rumah panjai nya meh Igat selalu berundang ari rumah panjai. Penjauh rumah panjai Igat ari bandar semina sejam setengah nyema ngena kerita nyau baka pendani orang ke nangkal nyema Igat nurun keja tang Igat lembau amat diau ba bandar amat keja perintah gaji besai igat enda kempang ati ninggal ke apai indai Igat ke udah tuai kediri ba rumah panjai.

Jeman diatu enda baka suba taja ba rumah panjai diau ba ulu pan bisi meh jalai tar laban udah digaga perintah kena mansang ke menua ulu jalai nya meh nyambung ke menua ulu rumah panjai sida Igat ngagai bandar kelebih agi jalai nya beguna ngagai mensia diau be rumah panjai kena sida ya mai getah ngau sayur dijual ba maket tau ka tisi jalai ngulih ke anak duit kena belanja. Nyema orang ke bisi pegung tau ka kolam ikan jalai nya meh kena sida ya mai ikan tau ka jelu ulih nimbak ulih panjuk dijual ba pasar laban Igat ngena kerita hilux Igat meh kekadang endur sida ya ngemai barang tauka ngirum ke barang ke dibeli. Taja pia Igat nadai kala mantah laban ya nemu sida ba kampun dia nadai utai kena ngagai pasar taja bisi kerita mansa jalai nya tang jarang amat kerita tama ngagai menua sida ya tambah mega jalai tama ngagai ruma sida Igat bedau digaga tauka ditar mina ditabur ngau batu kuari aja.

Kekadang apai indai Igat ngau Igat ke pasar laban ka ngagai klinik ngambi ubat tauka peresa ba sepital nya meh kebuah Igat ngai ninggal ke apai indai ya kediri ba rumah panjai Igat nemu ya siko aja ari sida serumah bisi kerita kena ngemai sida ya serumah ngalu ke pasar. Pengelama mai bala sida serumah ke pasar Igat nadai kala minta bayar taja diberi orang duit tambang Igat sigi enda ngambi duit nya ukai ketegal ya ngai ukai ketegal ya enda cukup tang ati Igat cukup manah cukup badas deka nulong sida serumah. Tiga taun Igat nyadi kepala kunsil ba menua sida ya sepenglama nya meh menua sida ya tambah nyamai selalu ditulong perintah selalu nerima bantu ari opis betanam tupi nya meh sida serumah amat sayau ngau Igat semampai ingat ke sida serumah.

Pengudah datai ba bandar Igat selalu duduk ba kedai kupi enda jauh ari opis ya. Dia Igat mesan ai ngau utai diempa laban kedai nya meh selalu endur sida sekaban etemu sebedau mupuk ngagai opis tambah mega tokey kedai nya ngelala Igat kekadang enda bebayar ga utai dempa Igat pama bangsa bukai manah ngau bangsa kitai ukai ketegal minta lebih minta apa nama tang meda pemanah siko-siko mensia bangsa bukai nemu meh ‘menilai’ siko mensia. Nyema bangsa kitai lain agi ga ulah ya ngai meda bangsa diri empu maju ka agi meda bangsa diri empu merinsa meda siko-siko maju dia bangsa kitai alu ngaga ubat ngubat orang ke mansang ari kitai. Uji kitai bela mansang memagang nyema ngai meda orang mansang anang meh kitai ke ngelabuh ke orang nya nyamai kitai niti singkang orang ke mansang ari kitai pegila lusa datai meh orang nulong kitai nyema ati kitai badas tuhci beresi.

‘ Tumu mat nuan saritu Igat enda takut  nuan deriba kediri tumu pagi ari rumah panjai nuan ngagai bandar? Enti aku kada ke ka aku kediri tambah agi tumu amat dani apu..bekulat mata aku enti bakanya’ pia ko siko laki duduk sepiak Igat ngulur ke jari ka betabi.

‘Nadai orang ngacau ucak nyema ke ka ngacau nya ukai antu nya mensia ka nyadi antu hahaha…’ pia saut Igat.

Nil siko laki ke bekeja sama opis ngau Igat tang Nil semina keja nganjung tauka ngambi barang aja tauka dikangau opis boy taja pia Nil nya meh kaban Igat amat-amat suba maya Igat baru mula keja dia Nil nya meh nulong Igat suba enti orang lain enda ibuh kira meda bisi bos tauka orang baru ngau keja sigi enda dipalik tamh agi igat nyadi bos ari jaku ngalu ke tudah igat ari betabi bekelala ngau Igat mayuh ke agi sida ya bejaku jai ari belakang tdah Igat. Bakanya meh ulah kitai mensia meda orang datai baru keja tauka nyadi bos ukai nya ka betabi tauka bekelala ka agi bejai ke pangan diri jauh ari tuchum tauka bejaku ngalu ke penatai siko-siko.

Pengudah ngirup pagi seduai bejalai nuju ngagai opis Nil ngambi surat ke datai ba opis semina nitih ke Igat ari belakang nyentuk ke datai ba endur opis Igat.

‘ Bisi kini-kini nuan lemai tok Igat? Enti nadai bejalai tua legi auk ka ngemai nuan makai ba ‘open-air’ legi meda indu utai dia pegila ari enam bajalai meh ngau aku’ pia ko Nil mujuk Igat

‘ Auk meh legi tua kia kaban ka amat nuan nguntik indu legi enda ga bai jadi uji bai jadi ulih ga ngau rami. Sebotol dua ulih ga aku sepunsa hahah’ ko Igat

‘ ukai aku aja pia kaban nuan sama meh Igat nyau tiga taun ditu nadai ga pangan uji ngiga kitai hahaha awak ka sama bulih kaling pangan diri hahaha’ ko Nil ketawa Igat mina enda bebunyi majak tuchum. Dia meh Igat nyau berunding kediri pengamat jaku Nil nya tadi. Lama ga Igat udah keja ba ditu tang nadai ga pangan.

‘ Keja dulu aku kaban legi berandau baru ga’ pia ko Nil

Igat mina meda Nil bejalai pansut ari opis ya nyau majak berunding ga tudah Igat ninga jaku Nil nya tadi taja seduai betundi tang jaku Nil nya bisi amat isi ari kuah lama tudah Igat enda bejaku majak berunding dia meh Igat meda fail ba meja ya. Taja jari rindang nulis gaga keja tang runding Igat nyau ke bukai nyau ingat ke apai ngau indai ya ba rumah kasih ga apai ngau indai nyau udah tuai nyamai ngiga orang ke ulih nulong ya ngau nyaga ya tauka apai indai ya umur majak utai ukai nya majak muda tiap taun umur majak niki tang nadai ga pangan nadai ga bini ba tisi maya senang tauka tusah.

Abis keja dia Igat ngau Nil bejalai ngelantang ke ati tambah mega pegila ari enam ukai bisi keja mayuh ke agi masa pegila kena tinduk tau ka ngau apai indai ya nyual getah ke ditangkal mayuh ke agi masa pegila kena berandau ngau sida serumah ni ke ngambi tauka nganjung sida serumah ngalu ke kedai nulong sida serumah ngangkut sayur bejual ba maket.

‘ Kaban uji nuan meda bala indu utai nyin uji nguntik nyin tua kaban ni nemu panjuk ngait legi hahhaha’ nyau simbing mulut Nil nunjuk ke bala indu dara duduk ba meja senentang ngau seduai ya.

‘Alai meh nuan kaban angka nuan berani agi ke tua hahah’ pia saut Igat. Nil ngau kekasak ka angkat deka ngetan ke ngintik ngadu ke umpan kala bisi ikan ba lubuk. Ari jauh Igat mina meda ulah kaban ya Nil

‘ Berani ga nuan ngelawa bala indu dia kaban tang nyema bos ngangau ke nuan nyau lelubah nuan mansang tang sama ga nya tadi bela indu’ pia jaku tundi ari Igat

‘ Nya lain kaban taja indu tang pangkat ya besai amat nyema nuan kaban enda nuan malu laban sama bela bisi pangkat aku mina opis boy  enda alah anu ya aku hahahaha,,tusah ga diatu kaban burung pipit ukai tau sama terebai ngau burung kenyalang’ sempama ga Nil mansut ke jaku sempama nyau tuchum Igat ninga jaku kaban ya.

Pengudah seduai tembu makai dia Igat deka mulai kediri nyau udah jauh malam enda alah apai ngau indai ya ngiga Igat legi tambah mega jalai ngagai rumah panjai ukai baka jalai ba bandar tambah ga api jalai empai ga digaga mina api kerita meh nerang nengau jalai. Dia Igat begadai deriba takut siden tau ka belantak ngau orang laban maya malam mayuh ga orang bejalai ni ke nimbak begiga ke munsang tambah mega luri balak ari kem ngena jalai nya.

Benung deriba mansa sepital dia Igat tepeda ka dua iku indu misi benung pansut ari kerita. Siko peda igat benung mansut ke tayar ari bonet kerita nyau sinu ati meda seduai ya nyau ngeringak muka skru tayar nyau baka ke muka skru tayar luri. Ukai tulang orang indu baka tulang orang laki dia Igat ngetu ke kerita ya alu ngelawa dua iko indu ke benung kiruh muka tayar kerita.

‘Nama penyai kerita seduai wai?’ Tanya Igat

‘ Tayar kerita pancit wai lelak amat muka tayar ya ari tadi muka enda ga ulih’ pia saut indunya

Dia meh Igat nguji nulong seduai ya kira setengah jam tembu meh tayar kerita diganti Igat nya meh kitai ke laki anang meh kitai kelalu lembau nulong sida ke indu maya tusah laban pengering indu ukai sama ngau laki tambah mega laki sigi digaga petara kena nulong bala indu nyema ditinggang penusah.

‘ Terima kasih wai nyema nuan nadai kada enda pegila baru tua ya ulih nukar tayar kerita’ pia ko indu nya bejaku alu ngulur ke jari mai betabi.

‘ Enda ngawa nya deh wai sigi baka kitai meh nulong pangan diri nyema ditinggang penusah. Seduai keja ba sepital ka?’ Tanya Igat

‘ Auk indu misi ba sepital nama aku Michele nyin kaban aku nama ya Lin nuan deh wai aku ka meh nemu nama orang ke nulong aku..’ pia ko Michele

‘ Kangau ja aku Igat’ ko Igat madah gai Michele

Pengudah bekelala dia meh asai ke bemimpi betemu ngau pangan diri taja enda lama betemu ketegal penusah dia ati asai tetengut ke betemu baru.

‘ Ah..rugi amat enda minta numbur telipun indu nya tadi’ pia ko runding Igat

Datai ba rumah nyau tedani apai ngau indai Igat meda penatai anak seduai nyau laun amai pengelama tok Igat jarang amat laun pulai nyau baka pulis seduai nanya Igat laban Igat nemu apai ngau indai ya irau meda ya pulai laun dia meh Igat berandau ngau apai indai ya madah utai ke nyadi maya ya pulai ke rumah tadi.

Baka selama Igat dani tumu laban nulong apai ya ngangkut getah ke dijual ba maket pagi legi taja gaji besai tang Igat nadai kala ngasuh apai indai ya badu nangkal bekebun tauka bumai laban pengawa baka nya meh nyadi lalau pengidup ya tambah mega orang tuai ukai baka kitai ke biak nyema enda gawa tauka bekebun sida ya sigi enda nyamai duduk ba rumah nyau kekasak ngiga pengawa ke dikeja.

Datai ba pasar pengudah nyual getah Igat mupuk meli barang kena bai pulai mai apai indai ya makai ba kedai sebedau mupuk mulai ke diri

‘ Nuan Igat..??’ pia Tanya siko indu cukup pemajik indu nya semina tuchum aja ulih ngelabuh ke ati orang meda ya nyau kekesap mata Igat meda indu ke nanya ya bendar ya berunding ngingat ke indu ke nanya ya nya.

‘Nuan Michele..apu kumbai ku sapa tadi nyau enda ngelala aku’ pia ko Igat

Nyau baka ke udah lama bekelala seduai Igat ngau Michele berandau taja baru betemu dia meh Igat ngumpul pengering ati deka nyuluk bungai ke benung ngerembai tambah mega bungai nya amat damping ngau ya nya asai ke belagu indu nya bejaku ngau Igat nyau nadai didinga jaku indu nya mina mua indu nya aja diperati ke Igat.

‘ Michele..ulih ku mai nuan bejalai ngau makai ngau aku malam legi?’ pia Tanya Igat ngau ati berani

‘Ulih nadai salah nya tang aku keja legi pukul lapan baru pulai’ pia saut Michele

Enda Igat nyangka Michele nyaut munyi nya nyau asai ngerembai ati nyau asai ke dipegai bungai ba mata enda Igat nyangka Michele ka bejalai ngau ya gaga amat tudah Igat ninga saut munyi nya nyau tuchum kediri Igat. Pengudah Michele mupuk igat ngau bala ya mupuk mulai kediri ke rumah mayuh amat ga bala anambiak sida serumah numpang Igat. Nyau penuh belakang hilux ngau anambiak bisi ga ngau Igat dalam. Datai ba rumah dia Igat nuci kerita ketegal debu jalai nyau lekat ba tisi kerita benung Igat nuci kerita dia Igat tepeda bup bechurak biru ba belakang kerita ya ngau lengka Igat ngambi bup bechurak biru nya enggai ke basah ke ai.

‘ Sapa empu bup tok? Anang-anang bala anambiak tadi simpan aku aja meh bup tok nemu orang ngempu bup tok ngiga aku legi nyema ya nadai tetemu ke bup tok’ pia runding Igat nyimpan bup nya dalam kerita ya.

Bendar amat Igat nganti jam beputar nyau enda ulih kira Igat malik merati ke jam ba lengan pama ati udah tetengut ke betemu seminit asai ke sejam bendar amat nganti ari siang bekalih ke malam. Pukul enam setengah lemai pengudah madah ngagai apai indai ya Igat mupuk begadai laban ke betemu ngau pengerindang ati tambah mega seduai udah bedanji ka betemu pukul lapan ngai jadi ga laun laban indu sigi menting ke jam nyema ka betemu laun mimit sigi udah nadai jalai agi laban indu nyema madah jam tok jam nya sigi maya nya meh sida ya deka betemu nyema laun sigi pulai bala indu tambah mega nyema indu nya gawa.

Enda berasai nya labuh ga ujan nyau lelubah tudah Igat deriba udah ga jalai licin ya ga mayuh ga luri kayu mansa maya malam tambah agi luri ngangkut sawit nyau penglama deriba dia Igat datai ba sepital endur Michele gawa. Michele udah bediri nganti ba luar nasit amai agi sempat betemu ngau bungai juluk ati gaga amai igat meda Michele benung dedegi nganti penatai Igat. Lelubah Igat nyangkai ke kerita ya ba mua Michele dia Michele tuchum meda Igat datai ngemai paying bechurak celum kena ngelindung Michele ari kena ujan. Laki nyema ya sayau gai indu biar ujan tujah meh pama ati dah keran nadai ngira basah tau ke angat mina penyiru ngau penyayau aja dalam ati tambah mega enti baru betemu sigi balata mat pengerindu ngerembai dalam ati.

Udah mai Michele tama kerita dia Igat mupuk gegadai deriba kerita nuju ke kedai mayanya Igat tepeda Michele gegetak celap kena ekun kerita tambah agi ari ujan udah ga baju Michele bisi ga kena tempias ujan. Igat ngambi baju celap ya udahnya nyua ngagai Michele.

‘ kena meh baju celap nyak enggai ke nuan majak celap legi nyau sakit nuan legi aku ga tussah nyaga nuan hehehe..’ pia ko Igat nguji ati Michele. Michele enda bebunyi mina tuchum meda Igat alu masuk ke baju celap nyak. Udah bejalai ngiga ndur engkah kerita dia seduai ya ngelawa kedai makai. Ka Igat mai makai ba open-air tussah ga laban ari ngumba amat nyau majak ujan nyau asai ke datai ba tulang penyelap maya angin bepuput.

Dia enda berasai Igat merap Michele ngai ke Michele kena tempias ujan. Datai ba kedai pengudah seduai ya duduk dia meh Igat mesan pemakai seduai ya. Kira dalam sejam seduai duduk dia enda berasai amai jam bepusin sisgi bakanya jam selalu aja jilis meda orang benung nanggam pengerindu. Sejam asai ke seminit meh maya udah berandau bekelala ngau pangan diri ngelalai ke juluk ati diri. Indu nyema ka ke orang laki tussah amai ka nemu nyau baka ke ngiga entelah nyema ka nemu juluk ati indu. Igat enda ga bangat jugau pemuas berunding dia meh Igat nemu juluk ati Michele sduai bela bisi ati ngau pangan diri tang malu ka madah laban enda lama aja bekelala. Nya meh ko urang nyema udah petara ngatur pandak ni masa bekelala asai ke panjai meh nyema indu tau ka laki nya sigi amat empu kitai.

Pengudah nya dia meh Igat nganjung Michele pulai ke rumah ya. Enda bangat jauh ga rumah Michele mina dalam kandang 30 minit ari pasar. Datai din Igat angkat muka ke Michele pintu enda berasai jari bepegai enda berasai jantung nyau tetengut munyi lagu embat la la. Tussah amai enti pengerindu nanggam dalam dada amat beserara enda lama asai ke setaun meh taja sama menua tang jarang betemu amat bendar lelenggau ke pangan diri. Enda berasai dia Igat bejaku

‘ Michele..amat malam tok tua begulai makai enda lama tang tussah amat aku ngemula ke ati aku empu. Enti nadai penanggul nadai aral melintang sigi ditanchang aku tali pengerindu tua taja enda lama bekelala aku amat sayau ke nuan dara.’ Pia ko Igat

Michele enda tesaut ke jaku orang bujang ba mua ya. Asai ke ka nyerauh gaga Michele ninga jaku Igat tang ulih ga ditan ke Michele. Begadai Michele ngelepas ke jari ya bejalai gegadai nuju pintu rumah sebedau Michele tama sempat Michele ngepai Igat. Enda berasai mulut tuchum manis enda berasai ati gaga enda berasai nyeling ke belakang meda urang ke disayau mupuk mina ayas belakang kerita Igat aja dipeda Michele. Bendar bala kaban serumah ngau Michele meda ulah ya bangat nyelai amai malam nya nyau ditundi sida ya tudah Michele. Pemuas betundi dia meh Michele nusi ya kati ya betemu ngau bekelala ngau siku laki benama Igat.

Benung Igat deriba mupuk mulai ke diri nyau rindang tudah ya ninga lagu dipasang DJ ba radio. Lagu jai nyadi manah meh didinga tussah amai ga penyakit pengerindu tok utai jai nyadi manah meh nyau enda berasai ujan lebat dilaban Igat mulai diri ke rumah. Jai bakani jalai enda meh berasai deriba tang amat Igat berasai gaga malam nya enda Igat berasai urang bisi merati ke ulah ya.

Benung Igat deriba dia Igat meda bisi ayas urang duduk ba bangku belakang ya tang enda ga Igat peduli mina numpu ke mata ya ba jalai aja. Benung ka tama dalam simpang rumah panjai sida ya dia Igat tepeda baka ayas siko indu ba ke ngepai ya ari jauh tang enda ga Igat peduli mina dalam untak ya Michele aja.

Sepengalama Igat ngau Michele bepangan nyentuk ke 2 bulan udah nanggam pengerindu dia meh Igat ingin amat ka ngambi Michele nyadi ke bini ya. Duit dikumpul udah ga cukup nyau pedis pala Igat ninga apai indai ya nanya kemaya ya bebini nyau udah lengkap utai disedia ke bala apai indai ya semina nganti Igat ngemai indu aja. Ngau pengering ati dia meh Igat mai Michele betemu awak ka ya ulih nanya Michele nyadi ke bini. Benung bejalai kediri ba pasar Igat ngiga kedai emas ngiga tincin diberi ngagai Michele tincin ke ulih ngikat pengerindu seduai ya.

Malam nya Igat telipun ngagai Michele ya deka betemu ngau Michele laban bisi utai ka dipadah ke Igat. Michele enda ga nemu nama kebuah Igat ka betemu ngau ya . Mupuk meh Igat gegadai ari rumah nuju endur Michele keja. Benung tudah Igat ngejang ngagai bandar dia Igat meda siko indu duduk ba belakang kerita ya.

‘ Kini nuan wai? Legi aku nganjung nuan’ pia ko jaku Igat. Igat nemu sida serumah selalu numpang Igat nyema ke pasar nya meh Igat mina betanya penungga pejalai indu nya tang enda ga indu nya nyaut semina nunjuk ke endur ya aja. Igat enda ga bejaku mayuh mina med ulah indu nya aja. Dia Igat nyeling ke belakang meda indu nya ngena baju bechurak burak ngau megai bup ba jari kiba ya.

‘Nama aku Monika. Aku meh empu bup ke tinggal ba kerita nuan sarinya.diatu ku ka ngambi ya pulai nasit ga nuan enda muai ya’ pia ko indu ke benama Monika nya. Igat mina enda bejaku mina deriba aja laban dalam ati ya din semina Michele aja mina siko indu nya aja benung bemain dalam runding Igat.

‘ Igat…nyema nuan minta tulong pegila lusa kangau aja nama aku dia aku sigi datai nulong nuan laban nuan udah nulong aku’ pia ko indu ke benama Monika sebedau pansut ari kerita. Igat mina naggun kepala aja maya Igat ka nanya indu nya baru dia mina asai ke sepu angin aja nyau nadai peda agi ayas indu nya semina bau aja agi tinggal dalam kerita Igat.

“ Laju ga indu nya belajai nyau enda peda agi” pia ko runding Igat. Begadai Igat mupuk nerus ke pejalai ya ka betemu ngau siko indu dara ke selalu bemain ba runding ya indu ngasuh ya selalu bemimpi manah tiap malam ngasuh ya kering semangat.

Hai baby..enti nuan udah badu keja legi mesej agai aku diatu aku benung dalam kerita nuju nuan bisi utai amat penting ka perandau aku ngau nuan, pia ke mesej terima Michele. Enda berasai Michele tuchum kediri meda mesej nya nyau bendar Michele nyeling jam ba dinding tussah amat ga jam nya maya kitai ka betemu ngau sulu ati nyau lubah amai bejalai baka ke abis bateri nyema seminit asai ke sejam nganti nyau lembau ka gawa laban ati ngau runding sigi udah pansut ari tubuh nganti ka betemu ngau sulu ati sulu dikerindu.

Datai ba sepital endur Michele keja, Igat alu engkah kerita ya sepiak pondok sepital dia meh Igat pansut nilik jam ba jari empai ga pukul 10 asai ke ngau engkisit jarum jam. Dia meh Igat nganti Michele ambis keja duduk dedeunga ba pondok merati ke senaya malam amat manah terang bulan kebelik bintang deru angin lelubah nyepu tubuh Igat. Benung Igat merati ke rampa menua dia telipun binching ya alu bebunyi

“ nuan……..meruanku sayau…nuan aku rindu…” pia ke bunyi telipun Igat ngau lengkas ya nyaut begadai bejalai duduk ba mua pintu sepitak endur Michele keja.

‘ Helo ucak nama nyadi program malam tok?’ pia tanya nyawa orang dalam telipun nya

‘ Nyadi anang irau nuan aku semina nganti Michele pulai keja aja. Udah aku berunding ngau panjai ucak sigi deka ambi aku ke bini Michele malam tok ucak.’ Saut Igat

‘ Nya baru ya…anang irau nuan ucak tok kaban nuan agi bisi ditisi nuan semampai nulong tok tang kati ke nuan ka madah ke Michele legi deh? Maya nuan nyua ke tincin nya ukai indu ka sua ngapa enti enda nuan melamar ya pia ko orang diatu hahaha..meja udah ga sedia ucak udah aku bookin ke nuan tadi akai enda sabar ka ngansar ke kaki tok hahahah’ pia jaku Nil.

Cukup jam badu gawa dia Michele alu berumban mansut kediri bejalai nuju pintu dia ya tepeda ka siko laki benung bejaku ba telipun. Begadai Michele bejalai nuju Igat ke benung kisuk bejaku ba telipun dia meh Michele ninga utai diperandau ke Igat ngau Nil asai ke enda pecaya ya jaku ke pansut ba mulut Igat. Asai ke bemimpi Michele ninga jaku Igat.

‘ Nya meh utai ke benung runding aku tok ucak legi pengudah ya pulai keja anjung ku pulai dulu ya ngasuh ya mandi dulu udah semua tembu baru aku ngambi ya baru. Enti baka runding aku sigi bai ku kia ya makai ba kedai nya semina aku ngau Michele aja. Tinchin udah ga sedia ke aku laban ketegal Michele meh aku sanggup melutut ba mua ya nyerah ke tinchin ngagai ya ngau nanya ya ulih ke aku ngambi Michele nyadi bini aku nyema ya setuju nuan meh orang keterubah nemu ucak awak nuan alu ngesah ke tua ya ditu hehehe..’ panjai ga jaku Igat madah ngagai Nil.

Michele mina tuchum ninga jaku Igat sapa enda tuchum nyema laki ka melamar indu ka ngambi indu dikesayau nyadi bini nyadi orang ke idup sekunsi sampai jemah ila dia meh Michele nemu utai kea mat penting ka padah Igat ngagai ya mina petara aja nemu pengaga indu dara nya enda berasai dia Igat alu malik ke belakang alu tepeda ke Michele udah cecegit ba belakang ya. Igat mina tuchum meda indu dikesayau ya ba mua ya

‘ Nama utai ke ka diperandau ke nuan ngau aku legi?’ ko tanya Michele ngaga diri enda nemu. Nasit ga Michele nemu amai ngelalai ke juluk ati diri taja ya nemu program Igat tang Michele ngetat ke pengaga ati diri. Enda berasai jari Michele dipegai Igat mina petara aja nemu perasaan seduai ya. Igat mina tuchum aja meda Michele

‘ Legi meh aku madah auk? ‘ pia ko Igat

‘ Padah diatu aaa…enggai aku geng nuan legi’ nyau baka ke ngugut Michele

‘ Anang irau nuan baby legi ku madah auk diatu enggai nyadi ku ka madah laban nuan bedau ga mandi baru pulai keja eee..bau tau hahaha’ pia tundi Igat

Michele alu ngaga diri ringat nyau muncung mulut ya ninga jaku Igat sigi bakanya ga indu nyema ngau pangan dikesayau selalu ka ngaga diri ringat tang ringat enda lama.

Datai ba rumah Michele nurun ari kerita ngelawa pagar rumah ya

‘ pukul 10.30 legi ku ngambi nuan baby..em..baby aku sayau amat ngau nuan’ pia ko jaku Igat murus begadai kuyu Michele.

Pengudah nya Igat begadai mupuk ngena kerita nuju ngagai kedai ke udah bookin Nil dia Igat tepeda Nil megai bungai ngau kad bechurak merah. Nyau rerising Nil meda Igat datai nuju ngagai ya alu betabi ngau Igat

‘ Semua udah sedia ucak..nganti penatai orang ke disayau nuan aja agi. Legi aku nganti seduai ba mua pintu ucak..anang irau ucak aku nyadi pelayan seduai malam tok udah aku madah ngau tokey kedai tok tadi akai enda sabar ka muka sepucung dua ucak hahaha’ pia ko Nil madah ngagai kaban ya. Nasit amat ga tokey kedai nya sporting nemu utai dikedeka Nil ngau Igat

‘ Nil..nuan meh kaban aku sampai jemah ila gaga amai aku bulih kaban baka nuan selalu nyukung aku ari belakang. Anang irau nuan kaban nuan meh orang keterubah ngau tua legi nya aku ngasuh nuan nyadi pelayan awak nuan empu meda aku melamar ya awak nuan nemu indu ke ka diambi aku nyadi bini. Nyema nuan bisi nyamai ga ati aku nyua ke tincin ngagai Michele nyau gegetak jari tok kaban hahaha..’ pia ko Igat. Nil ngau Igat alu bela ketawa meda ulah pangan diri.

Pengudah datai ba rumah Michele majak tuchum kediri bejalai nuju ngagai bilik ya. Dia meh kaban serumah ya meda ulah Michele nyelai amai baka ke orang kena tiket nyau enda berasai nanya meh sida ya ngagai Michele. Dia meh Michele madah ke sida ya sekaban Igat ka ngambi ya nyadi ke bini nyau begau sida serumah beberap ngau pangan diri nyema kaban udah ke belaki bebini sigi ngau gaga bala kaban. Nya meh ko orang kaban amat kaban tussah ka ngiga laban kaban keamat nyema kitai tussah tau ke senang sida ya sigi bisi ba tisi.

Nyau baka salon sida ya ngadu ke Michele

‘ Tok baju kena nuan legi awak ka Igat enda ulih bejaku meda pemajik nuan legi’

‘ Kitu nuan Michele aku nulong ngaga buk nuan awak Igat enda malik ngagai indu bukai mina meda nuan aja malam tok’

‘Michele…malam tok malam seduai aja anang ngasuh utai bukai ngacau menghalang seduai ingat Michele malam tok malam nuan bakal nyadi bini orang’ mayuh macam jaku tundi sida sebilik ngau Michele nyau enda berasai merah kuyu tudah Michele tundi bala sida sebilik.

Amat ngumba endar ga jam baka ke ngai nunjuk ke numbur ba tisi gegetak aja nyau baka ke enda engkisit peda Michele. Asai ke mimpi Michele malam tok penudi ya dikangau indu dara bendar amat Michele ngarap ke nadai penanggul malam tok laban malam tok Igat ka ngambi ya nyadi ke bini.

Cukup jam dia meh Igat mupuk ngambi Michele dalam ati asai ke tetakut bisi irau bisi enda ibuh sema jari nyau gegetar celap ukai celap ketegal ekon tang celap laban malam tok meh Igat ka melamar indu dara di kesayau ya indu dara peragam ati Igat. Enda berasai Igat nekan minyak kerita nuju rumah Michele.

Benung kisuk deriba dia Igat tepeda ke ayas indu duduk ba belakang kerita ya. Indu nya mina merati ke ulah Igat meda ngau mata tajam meda ngau mata begedi nyau takut Igat meda mata indu nya.

‘ Igat…sapa nama indu ke deka diambi nuan nyadi ke bini? Uji nuan nulis nama ya ba bup tok seduai sigi jadi ila’ pia ko indu nya nyerah ke bup bechurak biru ngagai Igat. Dia Igat tepeda ke nama orang dalam bup nya puas Igat merati Igat tekenyit laban tepeda ke nama siko mensia kala didinga ya. Bendar amat Igat ngingat ke endur ya meda nama orang nya nya lama Igat berunding. Pemuas berunding dia meh baru Igat ingat nama orang ke peda ya tadi nama Ricky ngau Monika baru Igat nemu dua nama nya nama orang ke udah mati suba.

Dia Igat nemu sapa meh indu ke nepan kerita ya sarinya Monika indu ke nyadi mangsa bunuh suba indu bepangan ngau Ricky dua iku mensia ke udah ngejang pegi dua iku mensia ke nyadi bup nagih danji ke digaga anak mensia maya bepangan. Brunding meh tudah Igat nemu meh Igat nama ke ditulis ba bup nya amat ba dalam bup nya madah ke sida ya udah jadi tang ukai jadi ba menua nyata tang jadi ba batang mandai baru meh Igat nemu indu nya sigi ka ngambi nyawa ya aruh bup ya ba dalam kerita ya nya semina umpan awak ka Igat nulis nama ya ngau Michele ba dalam bup nya. Nasit Igat bedau nulis nama seduai ya dalam bup nya nyau lubah Igat deriba kerita deka ngiga buah runding kati ka ngelepas kediri ari indu nya. Sebedau Igat ngaga nama-nama dia Igat sempat nulis mesej nuju Michele ngau kaban ya Nil.

Enda berasai kerita ke kena Igat nyau baka ke deriba kediri enda mukai-mukai datai lori alu ngelantak luan kerita Igat alu tepelanting ari kerita nya terempas ba tisi jalai. Nyau pandak seput tudah Igat enda Igat nyangka malam kea mat penting ngagai ya nyadi malam ke mutus ke seput ya. Sebedau mutus ke seput dia meh Igat alu bejaku

‘ Nyema nuan orang empu bup nya ngasuh aku ngau ya begulai sejalai nyadi melaki bini aku minta tulong nuan’ pia ko Igat nyau baka nama darah pansut ari mulut Igat.

‘ ulih aku nulong nuan tang nuan mesti nulis nama indu nya dalam bup tok’ pia saut indu nya ba mua Igat ke benung ngetan ke nyawa diri empu.

‘ Nyema nuan ulih nyambung seput aku enda lama awak aku ulih nulis nama ya dalam bup tok….aku.enda nemu nama..amat ya’ ko Igat nyau seleka-seleka jaku Igat.

‘ulih aku nyambung seput nuan tang semina enda lama aja udah nuan nulis nama indu nya dia meh aku mutus ke nyawa nuan’ pia jaku indu nya alu nyerah ke bup bechurak biru ngagai Igat. Pengudah nya indu nya alu lesap dia Igat asai ke kering baru begadai angkat bejalai nuju ngagai rumah Michele nyau nadai agi bekau telih ya ba tubuh.

“ Lama amat ga Igat tok nyau penat kaki aku nganti laki tok” pia runding Michele benung nganti Igat ba mua pintu. Ya enda lama nyenguk ba jendila merati ke Igat udah datai ke bedau pemuas angkat duduk merati ke ba luar nyau mayuh mesej kirum Michele ngagai teliupun binching enda ga dibalas Igat. maya Michele kol Igat enda ga ulih

“ engka nadai line kini tau ka Igat benung mupuk kitu” ko runding Michele nyelap ke ati diri empu. Benung Michele merati ke pagar rumah ya enda berasai mua ya dipuput rebut lelubah kena kuyu ya dia Michele ngasai ke lain amai ati ya asai ke bisi utai nyadi tang ulih ga ditagang ya nya becampur perasaan nya sinu bisi ga. Ari jauh dia Michele meda ayas siko laki bejalai gegadai nuju ngagai pagar rumah ya

Tekenyit Michele meda siko laki amat dikesayau ya bediri ba pagar rumah nya ngena baju kot megai bup bechurak biru semina tuchum nganti Michele. Amat sigat Igat peda Michele ngena baju kot nya nyau labuh ati Michele meda Igat. Ngau lengkas Michele angkat muka pintu alu bejalai nuju ngagai Igat.

‘ Laun ga nuan datai lama udah aku nganti nuan ari tadi. Ni kerita nuan deh?’ pia ko Michele

Igat enda nyaut semina meda mua indu ke disayau ya ba mata ya. Enda berasai labuh ai mata gegadai nurun ba kuyu Igat enda ya nyangka malam nya meh malam penudi ya meda orang dikesayau ya. Bendar amai ya ngetan ke ai mata nyau majak pansut semina petara aja nemu penusah ati penusah nuntung Igat jai amat ga nasit enggai ngasuh seduai ya begulai. Gegadai Igat bejalai nuju Michele begadai Igat murus kuyu Michele. Michele enda memunyi meda ulah Igat nyelai amai engka Igat gaga laban ngempu Michele pia ke runding Michele tang Michele enda nemu orang ke disayau nadai masa agi begulai ngau ya.

Bendar amat Igat ngetan ke ai mata ya bendar amat Igat ngetan ke ati ya majak sinu

‘Baby..nangka tuk aja tua ulih begulai….’ Enda sanggup Igat nerus ke jaku ya nangka penyinu ati ya meda Michele

‘ Nama deh? Tadi nuan madah ka ngambi aku nyadi ke bini diatu nuan madah nangka tok aja tua begulai nama salah aku? Aku udah sedia nyadi bini nuan nama ga nuan ngaga aku baka tu? Aku amat-amat sayau ke nuan sampai ati nuan ngaga aku bakatu nama salah aku? Nama salah aku ba nuan Igat?’ enda berasai Michele ninggi ke nyawa madah ngagai Igat

Igat alu merap Michele nyau enda berasai ai mata Michele labuh dia Michele ngasai ke tubuh Igat celap amat asai ke merap bangkai

‘aku amat sayau ke nuan tang….angka nasit enda ngasuh tua begulai..’ ko Igat meda mua Michele. Begadai Igat ngelap ai mata nyau nerutu ba kuyu Michele. Michele mina tebelenga meda ulah Igat nyelai amat jari Igat ke murus kuyu Michele celap amat Igat mina tuchum pait merati ke Michele indu kea mat disayau ke Igat.

‘ Tusah aku ka madah ke nuan…sayau amat sayau tang seput aku bangat pandak kumbai aku ulih begulai sejalai selama ya nemu nya mina setengah jalai aja…’ tussah amai Igat ka nerus ke jaku ya.

‘ Baby…giga meh nuan orang baru orang ke ulih sayau ngagai nuan baka aku giga meh nuan orang semampai ba tisi nuan belama..baka aku diatu semina semengat aja meh ulih ba tisi nuan…mupuk dulu aku baby..ngarap ke nuan bulih orang manah agi ari aku anang irau nuan aku semampai sayau ngagai nuan selama-lama ya’ pia ko Igat alu ngelengka ke jari Michele begadai surut nguing ke belakang mupuk bejalai gegadai.

‘ Igat….Igat…anang ninggal ke aku ..’ ko Michele ngau sesabak teduduk meda laki kedisayau ngejang bejalai ninggal ke Michele

Dia Igat tepeda ke indu benama Monika ba mua ya Igat alu nguing meda Michele enda berasai Igat ninggi ke nyawa ya

‘ ANANG NGIGA AKU AGI DIK…TUA UDAH NADAI NAMA-NAMA AGI..NANGKA TUK AJA TUA BEGULAI..AKU BENCI MEDA NUAN..BENCI MEDA NUAN..!!’ ko Igat mupuk bejalai ninggal ke Michele

Nyau nerutu ai mata ba kuyu Michele ninga jaku Igat bakanya, nyau asai ka padam seput ninga jaku pansut ari mulut laki ke sayau ngagai ya selama tok laki ke dikerindu ya selama tok laki selalu ba tisi ya ngelama tok. Michele belanda tama ngagai bilik ya ngau sesabak nyabak ba atas katil semina petara aja nemu bakani asai ati Michele. Bendar amat ya nyabak nya begau bala kaban sebilik ngau ya meda Michele dia meh semua sida ya nyuba ngaum Michele.

‘ Igat…nama salah aku…sampai ati nuan ninggal ke aku..’ pia sada nyawa Michele semua gambar Igat peda ya memagang nyau enda berasai Michele tetinduk dibai kelalu tussah ati.

Pengudah nya Igat ngelawa endur ya tadi indu nya semampai nitih Igat ari belakang

‘nama pengawa nuan enda nulis nama indu nya tadi? Ulih seduai begulai sejalai’ ko indu nya

‘ Nama nuan nadai pending..aku ngau ya udah putus’ saut Igat ngau nangka pemedis ati

‘ Tulis meh nama ya dia….’ Pia ko indu nya

Igat ngambi darah ya nulis nama nya ngau nama siko indu ukai nulis nama Michele tang nulis nama Monika

‘AKU NGASUH NUAN NULIS NAMA INDU NYA UKAI NAMA AKU..MATI NUAN IGAT’ ko indu nya

Dia Igat meda siko ayas laki ba mua ya nyekak indu ke benama Monika

‘ Seduai udah nulis nama pangan diri dalam bup tok aku datai nagih danji seduai begulai sejalai selama ya’  ko laki nya. Gaga meh ati Igat laban ulih nyelamat ke nyawa orang ke disayau amat nyawa diri empu padam.

Pagi nya benung Michele angkat dani dia ya tepeda ke darah ba jari ya puas Michele berunding darah sapa ke lekat ba jari ya dia ya meda siko ari kaban ya sebilik datai madah ngagai Michele Igat udah nadai ketegal siden malam tadi. Nyau teduduk Michele ninga berita nya dia meh Michele berunding baru ya nemu nama ga ulah igat nyelai amai malam tadi enda berasai Michele meda telipun ya alu tepeda ka mesej ba telipun binching ya

‘ Baby ku Michele…aku minta ampun ngagai nuan laban seput aku enda panjai laban nasit tua enda panjai begulai ditu aku ka madah nyema aku nyelai ulah betemu ngau nuan legi ukai nama aku ngaga bakanya aku enggai nuan nerima nasit sama ngau aku amat pedis aku ka medis ke ati nuan laban nuan meh indu amat-amat aku sayau semina meda nuan enda lama udah puas ati aku sulu…nyema seput aku padam semengat aku ga ngundang nuan belama..nyema nadai nasit begulai ba dunya injau ba sebayan ga aku nganti nuan terima kasih ngagai nuan Michele laban meri aku peluang sayau ke nuan selama tu taja enda lama’ ari Igat…

Nya baru Michele nemu semengat Igat datai ngundang ya malam tadi awak ke Michele nemu penalam penyayau Igat ngagai ya enda berasai ai mata labuh niti kuyu Michele kuyu Michele ke selalu dipurus disium Igat ngelamatu semina bau Igat aja agi tinggal semina gambar Igat aja nyadi pengubat rindu Michele. Benung Michele nyabak ngenang nasit Igat ngau nasit diri dia Michele nyau angkat gegadai nyenguk ke luar rumah ari jendela. Dia Michele tekenyit tepeda ke siko laki besai amai tubuh megai bup bechurak biru nyau teritik darah pansut ari bup nya. Ukai baka mensia semina tubuh aja mensia tang pala ya baka uduk nyau merah mata ya meda Michele taring nyau pansut merati ke Michele sebedau ya lesap lakinya sempat nunjuk ngagai Michele semengat Igat dipegai ya ba rekung nyau rerising lakinya nyekak semengat Igat baru ya lesap nadai dipeda agi…

sorry...

chapter 9-13 maybe dlm minggu tok la aku post ya ngau tq bg kselalu mca blog ngau ceta tulis ku hahaha...

A CURSE and A GUARDIAN

CHAPTER SEVEN (A CURSE)

Makin ari makin balat bup bechurak biru ngiga darah ngiga mangsa. Bup mina ngumpan mensia ngau danji. Ketegal danji mayuh nyawa udah bebadi. Mayuh darah udah naya mayuh mensia merinsa ketegal danji. Makin ari bup nya nyau aus. Aus ke nyawa anak mensia. Mensia ke benung bepangan selalu ngaga danji. Ngaga danji makai diri empu. Ketegal danji digaga bup bechurak biru datai. Datai ukai meri penyenang tang meri pemerinsa. Taja meri pemerinsa bup nya semina ngamat ke danji udah digaga anak mensia. Mayuh amat nyawa anak mensia nyau bebadi. Nyema deka danji, danji meh ngau pangan diri ukai danji nulis tauka besaksi ke utai enda temu penatai. Utai ke enda temu amat ke enda. Laban danji digaga sigi di amat ke utai nyema danji udah ditulis ngau digaga ba dalam nya sempama bup bechurak biru dikangau DAIRI PENGERINDU…..

‘ Dini kita jang? Legi aku kia ku ka meh ngau nuci mata deka masang ngintik’ pia ko Jui bejaku ari dalam telipun. Jui angkat nuju ngagai kerita ya. Jui ukai baka orang lain keja manah tambah ga gaji besai. Jui gawa ba endur ngelumbung minyak ba bandar sigi. Jui siko laki tinggi penyigat umbas ya ngau ngau nemu ngintu diri ngau manah. Sigi baka laki diatu nyema diau ba bandar sigi nemu ngintu diri. Semua nya digaga ba kedai salun. Ukai mina indu aja nemu ke salun laki diatu pan selalu ke salun. Utai di kena Jui semua ya bejenama sampai ke jam ngau tincin ya.

Nyema indu meda ya sigi malik ukai ketegal penyigat tang gaya ya. Nyau baka orang kaya. Taja Jui selalu pia tang anang teperasa Jui sigi orang pemisi. Nyema enda gawa Jui selalu nulong apai ya ba pub ke buka apai ya. Pub sida Jui amat laku enda milih maya laban Jui dikelala orang. Kaban ya selalu ngagau ke Jui ‘taukey’ laban bisi kedai ngau pub. Jui ukai baka orang bukai mina duit aja runding ya danji duit tama semua manah. Mayuh bala kaban Jui ka begulai ngau Jui ketegal Jui mayuh orang nitih ari belakang ni bangsa cina ngau iban. Nya meh orang enda berani ngelaban Jui. Tang nya aja penyalah Jui. Ketegal mayuh duit ngau bisi penyigat Jui selalu gila ngau nyimpan indu. Jui enda milih bangsa nama danji sida ya meri tubuh ngagai Jui.

Ni indu cina, pilipin, melayu, bidayuh enda ibuh kira indu bangsa kitai. Sapa-sapa indu sigi nitih laban utai kena Jui kelalu mar tabah ga gaya ya nyau ngalah ke tokey. Kerita ke kena Jui ukai baka orang bukai paling murah kena ya BMW special edition sport style single door. Ni enda indu sigi nitih ke Jui tambah mega Jui nemu amat nusun jaku nguntik indu. Baka bisi jayau Jui nyema nguntik indu sekali Jui ngijap ke mata sigi nitih indu nya. Jui alu mecut kerita ya nuju ke endur ke padah kaban ya tadi. Bendar Jui musin pasar ngiga bala kaban ya empai gat emu nyau telipun baru Jui ngiga endur nya. Baru Jui nemu dini endur ya. Pengudah parking ke kerita dia Jui bejalai nuju ngagai endur orang meli utai tau ka dikangau shopping complex. Maya bejalai kin dia Jui bepansa ngau mayuh indu dara. Sigi baka ya maya ujung minggu mayuh amat indu dara ke pasar meli barang tau ka baju. Tambah mega maya nya ujung bulan. Nyau bebulu orang ba endur nya. Ni indu merati ke Jui ni bisi tuchum meda Jui. Jui mina tuchum merati ke sida ya mina meda ulah digaga sida ya. Jui asai ke amat sigat diperati ke indu memayuh nya. Dia Jui nguing bejalai nuju ngagai kaban ya. Bendar amat ya micit-micit telipun mesej ngau kaban ya. Nyema Jui bejalai sigi enda tinggal telipun ya laban ukai semina kaban ya tang ni indu ke ka ngau ya bejalai selalu ngiga mesej ya.

15 minit bejalai dia Jui meda kaban ya benung duduk ba kedai makai ngirup ai tin. Balat mata tudah tuai nyau beraie pemuas nuci mata dia. Balat ga pisin indu diatu amat-amat seksi. Nyau nitih ke ukur tubuh ngepan kena indu dara diatu. Ni ke ngena skirt enda ibuh kira ke ayan pusat peda pah nyau ngayan ke pemurak. Ati laki ni ulih tan meda utai bakanya. Pemurak nyau baka taya kapas nyau nelan liur tudah kaban Jui.

‘ Balat ga nuan nuci mata kaban nyau enda abis ai hahahaha’ pia ko Jui nyapa kaban ya Anyuk.

‘ Ngai nyadi enda aaa nyau baka taya kapas pemurak ya nyau enda ulih pilih nyema nitih ke ati sigi deka empu magang meh tang kada ke ulih ibun magang meh nya kaban.’ pia saut Anyuk.

‘ Ukai baka ngambi anak manuk nya akih nyema baka anak manuk nyamai meh ada ngumpul semua seritu siko pegila siko lusa siko pama meh’ saut Jui nyeling indu ke benung bejalai mansa seduai ya.

‘ Akih uji nuan nguntik indu nyin akih nyema nuan bulih asuh mai kaban ya pama meh ulih tua ngepap malam tok ulih ga ngusuk udah nya kala aku udah buking ke tua hotel tadi.’ Ko Anyuk nunjuk ke indu siko. Ari jauh amat manah tubuh indu nya nyau baka model. Ngena skirt baju burak tang cermin mata nangka pemesai angka nya pisin diatu kini. Nyau enda peda mata ya laban pencelum cermin mata nya. Jui merati ke ulah indu nya tang nadai ga orang laki ngau ya mina siko indu buk pandak nitih ari belakang angka nya kaban indu nya. Pemajik umbas ya meh indu dua iko nya. Sigi baka indu iban pemajik ngau pemurak semina kumang aja endur nyema key a.

Jui angkat nuju ngagai indu nya. Dia Jui masuk ke cermin mata ngawak ka sigat agi. Nyau bepisin dulu Jui meda skrin telipun binching ya ngadu ke buk awak ke manah di peda. Jui ngadu ke jam yak e bejenama Rolex emas nya awak ka indu nya nemu ya orang pemisi. Jui berunding nusun jaku ya dulu awak ya nyamai agi ngaga jaku nyema ka nguntik indu nya.

‘ Hai dara ulih tua bekelala? Lama aku udah merati ke nuan semadi sari tu meh aku bisi pengering ngelawa nuan awak nuan nemu aku ka ke nuan sulu. Ati sigi enda ulih tagang nyema naruh pengerindu ngagai nuan dara ari aku nyimpan pengerindu dalam ati nyamai aku madah ngagai nuan dara. Nyema nuan ngai diempu aku semina kaban ka meh aku dara amat aku ba tisi nuan dara’ pia jaku Jui. Amat pandai Jui nusun jaku. Indu nya mina tebelenga meda orang laki nangka penyigat ngelawa ya madah ke pengerindu ati diri. Indu ni enda tekenyit ninga jaku laki ke enda dikelala datai ngelawa madah penyayau diri. Kaban indu nya negur ya nya baru indu nya sedar ya ukai bemimpi siang ari.

‘ Errr ulih nyema ka bekelala tang aku ka nemu sapa nama orang bujang ka bekelala ngau aku’ pia saut ya

‘ Kangau ja aku Jui..nyema nuan ka ngau ku bejalai malam legi dia aku madah nama amat aku’ saut Jui

‘ ooo…pia enti pia kangau ja aku Atie...nyema nuan ka mai ku bejalai malam legi giga ja meh aku auk’ ko Atie

‘ Ka meh aku ngiga nuan dara tang aku enda nemu kati ka ngiga nuan nyema aku minta dua utai ba nuan ulih dara?’ Tanya Jui

‘ Ulih Tanya meh anang aja meh nanya utai bukai heehehhee’ pia ko Atie.

‘ Ka aku minta ati nuan dara takut ga aku takut nuan ngai meri aku tok aja meh pinta aku number telipun binching nuan’ ko Jui.

Atie tuchum meda Jui alu mansut ke pen ngiga endur nulis tang nadai gat emu puas Atie ngiga kertas ba dalam handbag ya tang nadai ga ditemu. Pama pemesai handbag Atie nadai ga ditemu. Nyema ke jaku ka baju ngau tancut di tepu dalam handbag ya enda meh penuh. Nya meh indu diatu nyema kitai bejalai amat besai handbag kena bala indu dara angka ka meli semua barang dalam shopping complex nya bala indu dara selalu mai beg besai. Meda Atie megai pen nyau kusil-kusil ngiga endur nulis dia Jui ngulur ka jari ya.

‘ Enda ibuh nulis ba kertas meh dara ba ati aku eh..salah ba tapak jari aku aja meh nuan nulis dara laban tapak jari tok meh sigi empu nuan ila’ ko jaku Jui. Nyau labuh pengeridu Atie ninga jaku Jui. Bakani pengering ati siko indu nyema ninga jaku bakanya sigi lembut meh ya baka kerak asi taja kering bakani tanjah ngena ai lembut meh ya. Nangka meh ati Atie nya tekinsit ninga jaku Jui. Amat pandai Jui nusun jaku indu baru dikelala nyau madah setuju bejalai ngau ya. Pengudah nulis number ya dia Atie madah ke Jui ngasuh nelipun ya malam legi. Jui mina tuchum meda Atie nyau enda berasai Jui megai jari Atie. Nya tetengut ati Atie meda ulah laki nya nadai kala laki ngaga ya baka nya selama tuk. Enti nguntik pan semina ngensung ari jauh enti enda mina ngijap ke mata maya bepansa laki mina nunduk ke pala tang nyema udah sekaki dua kaki jauh ari ya baru madah ke diri ngirum salam. Tussah ga laki bakanya maya jauh berani nguntik tang maya semak nyau ngalah ke indu pemalu ya. Nyema indu nguntik laki ngai ke kumbai orang timba ngiga perigi tambah mega indu nguntik laki sigi selalu ngai amat bala orang tuai meda kumbai orang tuai indu jai indu enda mereti.

Atie ngau kaban ya bejalai ninggal ke Jui jari Atie diangkat ke ya tanda ngepai madah diri deka pulai. Nyau nadai dipeda agi ayas Atie nyau ngau orang bebalut dia meh Jui bejalai nuju ngagai kaban ya Anyuk Jui duduk tuchum meda kaban ya Anyuk.

‘ Amat setidi nuan Jui kejap aja ngulih ke numbur indu nya enti aku tadi kada ke kena layan kada ke di sumpah orang aku hahaha’ ko Anyuk. Anyuk tok lain amai stail nguntik. Nyema indu nya enda nyaut maya ya nanya kumbai ya ngai enda ya nemu indu nya malu kini nya meh indu enda bebunyi. Meda indu enda bebunyi Anyuk alu mupuk laban ya ngumbai indu nya ngai meda ya ngai ngelayan ya. Indu nyema laki nguntik ya nyema indu enda bejaku ukai ya ngai ukai ya bisu tang indu nya malu laban nyema laki nya nanya ya ba mua orang mayuh sigi malu indu. Ka ya nyaut ngai ke kumbai orang alu ka ga legi enda alah kumbai orang indu jai nya meh indu nangka pemanah laban indu ke imun tauka malu nya meh indu nangka pementas.

Malam nya pengudah mandi dia Jui nelipun Atie mai may bejalai ngau mai kaban ya siko agi sigi pia ga laki nyema bejalai bisi mai kaban laki sigi ngasuh indu mai kaban ya laban laki ngai meda kaban ya kediri aja. Enda ala semina Jui siko ja buli tang kaban ya Anyuk mina pepelik meda seduai bepegai ba dalam pab legi. Ujung minggu sigi mayuh orang ba pab laban mayuh mensia kia ukaika ngaga ulah tang mayuh ka agi ka muai tension may keja. Ngelantang ke ati ngau kaban ngau pangan diri. Nangka meh pemayuh mensia ba pab sida Jui malam nya nyau penuh mija. Nya bendar apai Jui telipun ngasuh Jui kia laban nadai orang ngau ya nyaga pab nya.

Pengudah ngambi Atie ngau kaban ya dia Jui mai sida ya 3 makai ba kedai sebedau ngelantang ke ati tambah mega ari agi tumu. Baru pukul 9 lebih maya tok mensia baru aja pansut ari rumah betemu bedanji ngau kaban pangan diri ngiga endur ngelantang ke ati ni ke benung bepangan nyau telipun kin kia nanya dini endur kaban diri. Nyau bendar Jui nayut telipun ga pemayuh bala kaban ya ngiga ya nanya key a pab ya udah mayuh orang ke bedau ni ke nanya minta diskaun bir ya sigi bakanya ga mensia maya senang sigi begiga kaban minta utai murah. Jui nyaut peminta sida ya ngau manah laban ukai kaban pinta Jui tang duit tama aja giga ya. Amat munyi ke jaku kabana mat kaban tang maya bejual sigi bejual soal kaban sigi tinggal belakang nyema ngulih ke duit.

Nyau raun dulu sida ya 4 ngagai bandar meda pemanah bandar maya malam ari. Nyau kebelik ja api pasang orang ba bandar taja ka tengah malam agi mayuh ga orang ba bandar ni ke bejalai enda kurang megai orang ke ngirup ba kedai ni ke lepak ba shopping complex mai tawing kulu kili ni ke benung bebaris meli tiket ka meda wayang. Pama mensia nyema malam sigi pansut magang laban siang mayuh mensia benung gawa maya malam aja meh ulih ngelantang ke ati.

Jui mai sida ya ngagai pab ya. Datai dia baru aja tama dalam nya nangka meh munti degum music nyau baka nama nyau enda didinga jaku pangan diri nyau beperak. Anyuk mai kaban Atie ngau Atie nitih Jui ari belakang. Amat mayuh orang malam nya ni ke mesan ai ni ke benung betanda sigi laku pab sida Jui nadai pab bukai ulih ngelaban pab sida ya. Indu ke ngelayan orang dia nangka meh utai dikena mina ngelindung dada ngau pah aja. Ya ke bukai sigi ayan magang ni nyau petang amai endur nya mina kijap api ja ulih peda enti enda merati ke mua siko-siko sigi enda dipeda gamal mua orang dalam nya yake jai gamai nyadi sigat tauka bajik meh dalam pab enda ibuh kira bala sida ibuk nya baka anak dara meh dalam pab.

Amat jai ga runding Jui ngau Anyuk benung Atie ngau kaban ya ngagai jamban dia jui nyimpan ubat baka penadol dalam ai seduai ya. Anyuk mina tuchum alu ngusak ai nya awak ka ubat nya jampat agi lelak enda seduai ya nemu kesan ubat nya ngagai orang indu. Pengudah ngau orang betanda dia Atie ngirp ai ya enda lama dah nya asai ke bepusin dunya peda ya nyau makin balat Jui ngayam tubuh tudah Atie nyau enda berasai Atie bai Jui pulai ngagai hotel endur disewa Anyuk. Enda meh Atie nemu orang ke baru bekelala ngau ya nya meh baya darat baya sigi ngiga mangsa. Enda meh Atie nemu tubuh ya diulih ka Jui malam nya kasih meh tudah Atie ngau kaban ya nyangka bulih laki manah nemu nya laki nangka pengindu mina ngulih ke tubuh aja. Udah puas Jui ngau Anyuk ninggal ke Atie ngau kaban ya ba hotel nya nyau nadai bebaju betancut tudah Atie.

Jui ngau anyuk mupuk ngagai pab sida Jui dia seduai ngiga mangsa baru. Taja bar udah nyepuh ke ikan adong agi meh ngiga. Amat mayuh ga indu dara malam nya dia meh seduai masang panjuk baru ngarap ke kena manah agi. Jui nya bulih indu pilipin. Pama Jui bulih utai ke enda kala ulih orang utai ke ari jaun danjung mina kena nupi baya tang baya nya baya pintar udah makai mina laluh aja ditinggal ke baya nya sigi enda ngapung utai udah di empa ya nya utai baka nya meh dikangau ‘ one night stand’ dalam orang ribai maksud ka mina begulai semalam aja.

Pagi nya dia Atie ninga orang nyabak sepiak ya. Nyau silau mata deka dibuka Atie angkat gegadai nyau micit pala bekau malam tadi taja dipicit agi ga sebening mimit. Nyau tekenyit Atie meda tubuh ya nadai seiti-iti gari lekat ba tubuh ya nya telanjai tudah ya dia Atie meda kaban ya nyau deduie nyabak merati ke Atie baru Atie nemu Jui udah ngulih ke tubuh ya ninggal ke Atie pia aja. Kumbai Atie manah laki benama Jui nemu nya Jui nya meh baya darat bisi dilah baka ular nemu amat ngumpan indu nemu amat nipu indu ukai nya bisi runding manah mina runding ngulih ke tubuh indu aja. Nyau gegetar jari Atie meda tubuh ya udah diulih ke laki mina bari sari dikelala ya.

Ka Atie madah ngagai pulis tang Atie ngai Atie takut malu ngai ke temu orang tambah mega orang ba rumah panjai sigi enda tau ninga utai jai ngerimbas pending baka munyi jaku orang tuai panjai mulut engkerasak panjai agi mult mensia. Atie ngau kaban ya mulai ke diri ngenang nasit gaga orang baka nya  enda ya nyangka ketegal pecaya ngau laki dua tubuh nyadi mangsa. Ati dalam nyin nangka pemedis nyema indu udah ken tipu sigi dalam dendam indu enda baka laki mina jari diasur nyema bedenda. Dendam indu sigi jai ngau lekat ba dalam ati indu nya benung tudah Atie duduk ba ruang tamu ngenang nasit diri dia ya tepeda ka bup. Bup bechurak biru enda berunding panjai dia Atie stat macha bup nya mayuh amat list nama orang dalam bup nya ketegal dendam ngau pemedis ati ditipu orang di Atie nulis nama ya ngau Jui runding Atie awak ka Jui ningat ke danji diri pengudah ya ngulih ke tubuh Atie. Ngau dendam ngau ai mata Atie bejaku besumpah ba mua bup nya

‘ Bup nyema amat nama orang dalam tok udah jadi nyema nuan bisi kuasa kena ngasuh Jui merinsa tulong meh aku awak ka Jui merinsa ketegal ngulih ke tubuh aku tulong meh aku malas dendam ketegal dikemula ka Jui’ ngau sesabak Atie bejaku ba mua bup nya. Danji udah ditulis danji udah digaga sumpah ngau dendam udah ga dipadah dia bup nya ngepun ke ngamat ke danji udah ditulis ba dalam nya. Benung tudah Atie duduk nunga bup nya enda mukai-mukai kipas labuh ninggang pala Atie. Jai amat bup nya orang ke enda besalah bebadi meh ketegal bup nya ukai ketegal nama tang danji tetap danji nyau tepercik darah tudah Atie merecik ba tisi dinding.

Seminggu pengudah Atie ngejang pegi Jui mina ngaga keja ya baka selama. Jui enda nemu Atie udah ngejang pegi bakanya meh ulah Jui nyema bulih tubuh indu nya Jui sigi enda peduli agi biar indu nya mati kini merinsa ngandung ketegal ya kini tang Jui sigi ngaga dir enda nemu Jui selalu madah ke sida indu ke selalu ditipu ya kada enda indu nya tinduk ngau orang bukai sebedau ya kada enda indu nya ngambu ngandung ke anak Jui laban ka ngulih ke duit ya. Jui sigi enda ngiga indu ke ngau ya tinduk laban bagi Jui indu semua sama nya meh Jui enda peduli ka indu kala ngau ya tinduk enda ibuh kira induk ke keja ba pab ya semua udah ngau Jui tinduk magang.

Benung Jui tinduk dia Jui bemimpi betemu ngau Atie.

‘ Jui…nyema nuan agi ngayah ke indu bukai ngaga indu bukai baka aku aku nyumpah nuan Jui ila nuan nyepi ila nuan ngasai baka aku’ pia ko jaku Atie dalam mimpi ya

“ Bangkai indu uji tak anang ngacau pengidup orang uji tak ka mati mati meh enda ibuh ngeregau pengidp orang indu nadai guna” pia ko munyi runding Jui.

Baka selama Jui ngau Anyuk masang panjuk ba endur selama bendar amat seduai ngiga mangsa. Mangsa baru ke manah agi ke ‘fresh’ agi biak agi ninga nembiak sekula ke pom 4 tauka pom 5 ngau 6. Jui merati ke indu bejalai kin kitu mata ya ngau baka singa meda jelu ngiga mangsa ke dempa malam tok ngiga mangsa kena nangat ke isi malam tok. Baka selama pengudah meda indu di ke deka ati Jui nusun jaku ya alu bejalai ngelawa indu nya tang Anyuk mina merati merati ke ulah kaban ya merati ke mangsa ke digig Jui. Anyuk nemu Jui nadai kala ninggal ke Anyuk nyema bulih mangsa Jui sigi ninga ke kaban ya Anyuk nya meh Anyuk selalu ngau Jui laban nginti di tan panjuk digaga sigi selalu bulih.

Jui datai ngelawa Anyuk madah ke panjuk udah bulih indu pom 6 dua iko ngau seduai bejalai dia meh Anyuk tuchum meda tubuh indu nya ari jauh pama ga indu nya taja pom 6 tubuh ya nangka pemanah nyau baka munyi lagu Ricky El dara numbur lapan nyau gidan ati Anyuk nyau enda alah anti ari siang ngalih malam. Jui mina madah ke program seduai ya malam legi kini ka mai indu nya ngau hotel ke patut endur seduai malam legi dia Anyuk telipun alu buking bilik ba hotel disebut Jui.

Baka selama Jui nepu ubat ba dalam ai indu nya pengudah nya bai seduai ya ngagai hotel. Datai dia Jui tama ngagai bilik kediri mai indu nya alu ngali ke indu nya ba atas katil dia Jui meda pemurak indu ngau ya malam nya nyau gidan ati tudau tuai. Untung amai asai Jui bulih dagin biak tambah mega agi ‘fresh’ nyau abis gari indu nya buka Jui dia Jui gegadai ninggang tubuh indu ba mua ya indu nya enda nemu utai ketegal ubat ke diberi Jui. Bendar amat Jui muas ke ati ngau tubuh indu nya nadai ati kasih nadai ati manah semina runding bulih aja dalam runding Jui.

Pengudah bulih tubuh indu nya Jui angkat duduk ba tisi tilam. Jui ngambi insap alu nunkun ya dia Jui merati ke tubuh indu ke udah dikayam ya tadi nya tuchum Jui meda utai ulih ya sarinya malamnya. Asai ke bedau puas tudah tuai benung Jui angkat ka ngulih ke tubuh indu nya baru dia Jui tepeda ka ayuk orang ba belakang ya. Jui nguing tepeda ka laki siko amat besai rangka tubuh laki nya tang enda peda pala semina tubuh ya aja ngena baju ngau tancut burak. Laki nya alu bejaku…

‘ Aku datai ka nagih danji ke udah ditulis danji ke udah digaga bgau nuan’ pia ko laki nya alu nunjuk ngagai Jui.

‘ Danji nama nya? Aku nadai kala ngaga danji ngau sapa-sapa berani nuan datai ngacau aku’ pia ko Jui

Dia laki nya nunjuk ke bup. Bup bechurak biru betulis nama Jui ngau Atie dalam bup nya Jui alu bediri deka numbuk laki nya tang lakinya agi sikar ari Jui enda berasai rekung Jui udah ditangkap ya. Dia Jui nguji deka nendang tang enda ga kena laki nya alu mangka ke Jui ba tilam ka Jui nyerauh enda ga pansut nyawa ya laban dicekak lakinya ba rekung nya asai ka dicarik ke perut Jui dia Jui meda darah nya bakai ai pansut ari perut ya nyau tepeda magang usus ngau teda utai empa Jui tadi. Nangka meh pemerinsa Jui digaga lakinya bakanya nyau kabur utai peda ya enda berasai seput Jui putus.  Nyau katas anak mata Jui ngejang pegi nadai agi peda mata celum ya mulut ya nyau berbuih balat amat pemerinsa diterima Jui ketegal penyai ya.

Nyau tedani indu ngau Jui nya dia ya tepeda bangkai Jui gali sepiak ya nyau nyerauh indu nya meda utai tak bangat memalat nya nyau gegetar tubuh ya meda bangkai Jui. Dia kaban ya Anyuk tekenyit ninga munyi orang nyerauh alu muka pintu bilik Jui dia Anyuk meda bangkai kaban ya Jui. Mata Jui nyau melut tambah ga nadai peda mata celum semua burak perut Jui baka ka dicarik ke jelu nyau teperecik bekau darah ba tilim ba dinding nyau pansut usus Jui teberunsai ba atas tilam. Anyuk enda pecaya kaban ya nangka pemerinsa mati tang kati gaya Jui mati sapa munuh Jui Anyuk enda nemu…tang danji udah ditagih sumpah udah ga digaga dia meh laki nya mai bup bechurak biru bejalai. Bejalai ngiga mangsa baru ngiga darah ngiga nyawa mensia nyau teritik darak labuh ari jari laki megai bup nya………….

CHAPTER EIGHT ( THE GUARDIAN)

Laki ke mai bup bechurak biru makin balat ngiga mangsa. Ngiga nyawa mensia benung bedanji idup semati ngia darah kena mandi ngiga semengat kena idup. Ketegal danji meh bup nya agi bisi ketegal danji meh bup nya datai ngiga mangsa. Nyema agi bisi anak mensia nanggam pengerindu ngaga danji seagi nya meh bup nya bulih mangsa bulih nyawa bulih darah…..

‘ Sayang..nyema nuan udah tembu legi kitu nuan auk ku ka bekasih saying ngau saying dulu lama amai enda nyepi belaian ari nuan’ pia ko Nel bejaku ari ruang tamu.

‘ Auk meh legi meh bedau tembu agi aku benung begari’ saut Nisa ari dalam bilik. Nisa nemu Nel lama amat ba tasik baru seminggu ya udah datai alu ngiga Nisa. Sapa laki enda ngiga pangan nyema udah pulai ari tasik sapa laki enda rindu ke pangan nyema pulai ari tasik. Lama amat ba tasik nyau segunung pengerindu dalam ati deka begulai ngau pangan diri. 6 bulan ba tasik asai ke 6 taun pengelama ya ketegal pengerindu meh semua utai nyadi lama.

‘ Nama sayang? Enti rindu madah rindu heheheh’ pia ko Nisa duduk ba atas pah Nel.

Nel merap pangan ya nya nangka meh pengerindu dalam dada pengelama enda betemu. Dia Nel nyium bau buk Nisa baru ambis mandi amat wangi tambah mega Nisan emu amat nyaga ngintu diri. Nya bekali-kali Nel nyium kuyu Nisa. Nisa ngawak ka ulah Nel laban ya nemu Nel amat rindu amat sayau ngau ya nya enda berasai mulut besatup begadai Nel ngangkat ke Nisa tama bilik pangking. Malam nya meh seduai ngayam pengerindu mantup ke pengerindu penglama udah enda betemu kelebih agi Nel laban lama enda nyepi bumai ba tanah ya empu selama 6 bulan ba tasik.

Taja keja ba tasik selalu ngagai menua orang tang Nel nadai ngaga ulah taja pemajik ni indu ribai ba endur ya keja tang ati ya nadai kebukai semina Nisa aja dalam ati ya. Bendar amat Nel begadai ke seput ngiga duit ambi ulih nupi Nisa. Ngambi ulih ngumpul duit kena jadi ngambi Nisa ke bini. Biar begadai seput betaruh ke nyawa ngelaban panas ujan enda ngira malam siang amat meh ulih sesen dua ulih ga mai Nisa jadi. Taja gawa ba tasik Nel selalu nelipun Nisa tang taja Nel nemu Nisa sayau ngagai ya nya aja enda ulih dibuai ya ari dalam ati takut Nisa bisi adong belalai maya ya ba tasik.

Puas Nel ninga cerita kulu kili nyema laki gawa ba tasik pangan tau ka bini gawa meh ba bandar. Selalu amat nyadi ni bini orang bisi adong belalai anak di awak ka aja duit dikirum ke laki kena nupi laki bukai ukai mimit kirum laki ari tasik paling mimit 2 ngagai 3 ribu tang kini dut nya? Duit nya abis kena melanja laki bukai nadai sida ya berunding laki sida ya betaru ke nyawa gawa ba tasik nyema silap mimit sigi nyau nyawa. Ukai ngutuk ukai nyalah sapa-sapa tang utai amat sigi selalu nyata enda pecaya ngagai pending mata ga meda nya meh penusah nuntung laki gawa ba tasik irau ke bini tau ke pangan bisi adong belalai.

Nel merati ke Nisa benung tinduk ketegal ati Nel enda nyamai. Dia Nel begadai muka telipun binching nadai ga tepeda ke numbur laki bukai buka Nel ga handbag Nisa nadai ga dipeda bukti Nisa ngayah ke Nel ngemula ke Nel tang ketegal sayau meh laki nangka ati meh sida ya ngelindung utai ke diempu sida ya. Enda alah dia umai endur bumai manah nyema siko aja bumai dia anang  aja nya dua iko bumai ba tanah nya ngai jadi pia legi pengawa bakanya meh selalu ngasuh orang belaya ngerusak ke rumah tangga ngasuh pengerindu putus ba tengah jalai. Nel angkat nuju ke dapur alu muka peti ais. Benung ya ngirup dia Nel tepeda ke bup bechurak biru ba atas mija. Dia Nel muka alu macha bup nya. Nel enda memunyi mina mai bup nya tama dalam bilik. Angka bup madi ya pia ko Nel laban bup nya betulis Dairi Pengerindu tambah mega dalam bup nya betulis nama orang ke udah jadi angka senarai orang ke kawin kini angka bala Nisa ke kawin.

Seminggu udah ba darat benung Nel meda tibi dia telipun ya bebunyi. Nel nangkat key a alu bejaku ribai dia bos ya ngasuh Nel nurun ke tasik pegila laban bisi kontrak ngaga platform ba menua Arab. Nel mina madah ke diri nurun pegila tang nangka meh penusah ati Nel baru datai enda bulih dua minggu asuh orang nurun baru. Baka nya meh gawa ka tasik madah sebulan cuti nyau nyadi seminggu kekadang tau nyadi sari aja. Dia Nel nyimpan gari ya alu nelipun Nisa ngau lengkas Nisa datai ngagai rumah Nel. Amat jilis ga ari ngau keja baru ga seminggu betemu nanggam pengerindu nyau mupuk ga Nel. Nyema enda mupuk ngai nyadi ga nadai ga duit kena ngidup ke anak orang.

Malam nya Nisa bemalam ngau Nel. Malam nya meh Nel merati ke mua Nisa maya tinduk murus kuyu Nisa nyema udah nurun ke tasik semina nyawa aja ke dipetaru nyau baka orang ke beperang nyema datai ba rumah baru ngasai ke diri idup. Tussah ga pengawa Nel mina scaffolder ukai nya baka keja sengaa scaffolder tok taja gaji umbas ya tang maya gawa nadai kala gawa ba tanah ka ya agi din ba pucuk besi ke tinggi ukai nya 3 4 meter kekadang sampai 50 70 meter endur gawa enti labuh sigi enda dikelala gamal nyau rawan kaki meda utai kebaruh. Mensia mina mesai semut aja tambah maya angin kuat asai ke ka tumbang besi ke disambung nyau asai ka ba kaki seput begantung enda ibuh kira jari gegetak aja enti nurundatai ba tanah baru asai ka seput diri.

Nel angkat meda bup bechurak biru alu nulis nama seduai ya. Nisa nyau agi tinduk enda nemu pegawa gaga Nel. Nel alu bejaku ba mua bup nya….

‘ Nyema amat nama utai ke ditulis ba bup tok enda mayuh pinta aku..aku ngarap ke bup tok ulih nyaga Nisa maya aku nurun keja nyaga ya ngai key a ngaga ulah ke enda menyana ba belakang aku’ pia ko Nel.

Nel nyimpan bup nya ba jemari udah nya Nel merap tubuh Nisa ngali kediri sepiak Nisa. Nisa muka mata meda Nel merap ya dia Nisa malas merap Nel mejam ke mata. Nel nyium kening Nisa asai ke enda nyamai ati Nel nyau bebagi dua ati Nel ke nurun tau ka enda tang ketegal penyayau ya ngau Nisa dia meh Nel ngering ke ati nurun ngiga belanja kena ngidup ke Nisa.

‘ mupuk aku sayang..jaga diri manah ditu auk? anang irau sayang aku sigi telipun belama ila’ pia ko Nel.

Nisa enda memunyi merap Nel. Tussah amat ati meda orang ke disayau mupuk keja nyema endur keja semak sigi nitih Nisa tang nya meh endur Nel keja ukai nya semak ba tasik biru endur gawa. Penusah ati enda ulih dikenang Nel ngawak ka Nisa merap ya sebedau ya mupuk. Enda berasai basah baju tudah Nel endur ai mata Nisa labuh nyau keberai. Nyau enda ulih tat ke agi penyinu ditinggal ke orang disayau nya enda ulih tagang penyinu ati ngawaka orang di kesayau mupuk jauh pegi.

Pemulai ari nya Nisa agi berasai sinu tang Nisa enda nemu ya bisi orang nyaga. Orang ke enda dipeda merati ke Nisa ulah Nisa ngai ke Nisan gaga ulah ba belakang Nel enda Nisan emu danji udah ditulis Nel.

Maya tinduk Nisa ngasai ka bisi orang meda ya nyaga ya kini-kini Nisa bejalai asai ke bisi orang merati key a ari belakang. Nisa ngasai ke dijaga orang belama kekadang Nisa asai ke takut tang diatu Nisa udah teleba nya meh Nisa gaga amai tiap malam maya tinduk dia Nisa bemimpi meda betemu ngau Nel begulai tinduk ngau Nel. Taja ba mimpi tang semua nya asai ke nyata maya pagi Nisa selalu meda bekau orang bisi tinduk sepiak ya tang nya enda dipeduli ka Nisa.

Benung Nisa pulai keja dia Nisa meda indai ya bejaku ngau indai Nel. Gaga amai ati Nisa meda orang tuai ya udah ngelala isan diri empu Nisa pansut ari kerita betemu ngau indai Nel tang lain amat mua indai Nel meda Nisa nyau merah mata ya baka ke orang badu nyabak. Dia indai Nel alu merap Nisa nya bebengap Nisa enda nemu utia tang ati ya bangat enda nyamai asai. Dia indai Nel madah Nel udah nadai maya sida Nel gawa platform endur sida ya gawa nyau meletup. Rita didinga indai Nel siko mensia nadai meh idup nyau seminggu orang nguji madam kea pi tang bangkai nadai ditemu ni ke empa api ni ke labuh ke tasik empa ikan enda ibuh kira ke semak ngau gas nya angus memagang.

Enda berasai nyau gegetar tubuh Nisa ninga penusah ninggang Nel kaki asai ke enda ba tanah ai mata nya keberai nyau luput tudah Nisa ninga rita sulu ya Nel udah ngejang pegi ninggal ke Nisa kediri. Dia Nisa mina belalai ba bilik diri meda gambar seduai Nel suba. Ai mata enda ulih tagang enda ya nemu mina sari nya aja ya begulai madu pengerindu ngau orang ke disayau enda ya nemu semina sarinya ya meda tuchum manis Nel mina sari nya meh seduai begulai baka melaki bini.

Pengudah Nel ngejang pegi enda temu bangkai dia Nisa selalu bemimpi meda Nel datai ngagai ya. Ukai mina semalam tang tiap-tiap malam asai ka Nel tinduk ngimbai Nisa dia. Benung Nisa ngadu ke peninduk ya dia Nisa tepeda ke Nel ba belakang ya. Nel mina tuchum enda berasai Nel megai ya ba jari alu merap ya enda berasai Nel nyium ya alu enda berasai Nisa ditinggang Nel. Nisa mina meda gamal orang ke baka Nel dia Nisa baru ingat Nel udah lama ngejang pegi tang kati Nel tau ba tisi ya begulai ngau ya malam nya. Nisa alu angakt ngeju ka laki baka gamal Nel.

Dia laki nya bediri ba mua Nisa nya rerising ngayan ka ngeli taring ya.

‘ Aku meh Nel ke disayau ke nuan laban Nel udah nadai aku meh nganti Nel laban Nel udah ngasuh aku nyaga nuan’ pia ko laki nya

Nisa alu angkat masuk ke tula nyarung tubuh ya dia Nisa nyau pucat gamal ya meda laki nya

‘ aku ngai ke nuan aku mina empu Nel aja sapa nuan deka ngempu tubuh aku ‘ saut Nisa

‘ Selama tok aku meh tinduk ngau nuan aku nyaga nuan danji udah ditulis danji udah digaga aku datai mina nagih danji ‘ ko laki nya baru

Nisa belanda mansut kediri ari bilik nangka meh Nisa enda sedar ngelamatuk ya tinduk ngau laki bukai laki ke ngena mua Nel tang amat nya laki tau ka…utai bukai.

‘ Nyema nuan udah bedanji nyaga aku nama ga nuan ngaga aku baka tu?’ pia Tanya Nisa ngau ati berani

‘ laban Nel udah mati meh aku nganti Nel nuan’ ko laki nya

Enda berasai Nisa nya teduduk nyabak ngenang nasit diri udah ga Nel ngejang pegi tambah ga penusah datai nuntung ya. Laki nya mina enda memunyi nyau merah mata laki nya nyau nadai agi mua Nel nya baka uduk mua laki nya. Kukut pansut ari jari ya nya bebulu tubuh laki nya

‘Nel udah mupuk ngagai endur bukai aku semina ngamat ke danji aja’

Dia laki nya alu nerkam Nisa nyau tekeliti kulit Nisa kena keramak nasib Nisa jampat ngelari kediri tang bakani pengelaju Nisa belanda ngena tula ulih meh gagai laki nya. Enda berasai rekung Nisa kena tangkap alu dipangka ke laki nya ba atas lantai nyai kial-kial tudah Nisa megai jari laki nya nguji deka ngelapas ke diri. Nyau pansut darah Nisa ari perut ya sebedau laki nya ngapus mutus ke seput Nisa dia Nisa nanya ya

‘ Sapa nuan tok? ‘ pia ko Nisa

Laki nya ngetu enda lama alu nyaut

‘ Nama aku Kent orang ke nagih danji udah di gaga kita ka benung bepangan’ pia ko laki nya

Nisa alu mejam ke mata ya laban ya nemu nyawa ya nangka nya aja enda ya nemu selama tok bisi ga orang nagih danji  putus meh seput Nisa malam nya ba jari orang ke empu bup DAIRI PENGERINDU ba jari orang ke nagih danji orang ke selalu ngumpan anak mensia ngau danji………